Amai se la Souïsso germanoufono o chausit l'alemond d'Alemonho à causo de la varietat de si dialèctes n'en demoro pas men que la maje-part de la Souïsso germanoufono parlo l'alemanique, una formo d'alemond que se parlo també dien nousto Alsaço e dien lou Vorarlberg dien l'oèst de l'Oustrìo.
L'alemanique se parlo també dien l'estrème sud-oèst de l'Alemonho en fazent una quito pouncho fin Stuegert /Stuttgart, mas leisso de coustat Karlsruhe ounde li gents entendou pas l'alemanique.
Li abitonts del Liechtenstein parlou també l'alemanique - coumo lou noum del Liechtenstein l'endico çaquedelai -
I o un escach de sètis internet en Schwyzzerdütsch. Chau nouta amai que sou de souïsses que faguèrou naisse la nouciou de digloussìo, cò'i dire de bilenguisme inegau amm' una lengo douminonto e una lengo douminado. Acò lour venguè de la dificultat à l'escolo primàrio dis efonts que parlavou alemanique e qu'on ensenhavo à uno epoco en "Hochdeutsch" = alemond d'Alemonho. Desempuèi, l'errour es estado courregido e l'escolo primàrio souïsso se fo en "Sprooch", e lou "Hochdeutsch" dintro dapassou dien l'ensenhomen à travers la letraduro principalomen.
I o també despuèi dez ons una Wikipedia en alemanique :
http://als.wikipedia.org/wiki/Portal:Elsass
/fdata%2F4189852%2Favatar-blog-1203636952-tmpphp67xRFi.jpeg){kind=avatar}