Overblog Suivre ce blog
Administration Créer mon blog
1 février 2011 2 01 /02 /février /2011 18:10

Nouste blog es nascut ammé l'annado. O l'atge d'un chatou que tout-escias doubris lis ueis. Es la seguido del groupe Google info d'oc, mas ammé las poussibletats di blogs e notamen de metre de fotòs. Alèro nous afanan d'adouba la presintaciou, que coumtabo pas soubre Google.

 

Venen de recèbre una letro d'encouromen que nous regaugis plô dicistont que ve d'un grond autour prouvençau, Pierre-Dominique Testa, l'autour de "Fino e Cesar", un crane rouman en prouvençau marsilhés. (peraqui la mèmo lengo que la de la gramatico de 1843 "l'interprèto prouvençau", que faguè l'oubjet d'un de noùsti tout primiers articles:


http://mistralenc.over-blog.com/article-uno-gramatico-prouven-alo-de-1843-l-interprete-proven-al-64021365.html


mas de sigur l'autour escrieu en ourtougràfio mistralenco, pas ammé de "aou, eou, oou")

 

Aven tout à l'enbas de la pagino un boutou "contact", e nous o escrit per aquel biais sèns passa per la rubrico "coumentàris" à l'enbas de cado article, que permet de respoundre à un article precis.

 

Ammé "contact" nous poudet dire vouste vejaire soubre lou blog dien soun ensemble.

 

Vaqui lou messatge del roumancier

 

felicitations


cars ami de " Mistralenc ", simpletamen vous vouliéu benastruga de la qualita de voueste blog, qu'es uno meraviho e pèr sa presentacien e pèr tambèn soun countengu. 

 
Pierre Dominique Testa auteur de " lexiqueprovencal.com "

 

Descoubrissen en aquelo escazenço, nàutri que san un pauc lonh de Prouvenço, que lou roumancier o fat ammé soun parla, ço qu'Alan Broc o fat pel sèu. O fat un dicciounàri. A la diferéncio que lou dicciounàri "di parlas de la Nalto-Auvernho e de l'auvirnhat ilustre que ne sourtis" es pas inquèro publicat.

 

Vaqui una courto presintaciou del roumancier marsilhés e de soun dicciounàri. A tout senhour tout ounour, li leissan la paraulo. Amm' acò noùsti legèires veirau à qué semblo sa lengo e se la podou legi d'aise. Per un Auvirnhat que i es pas acoustumat, acò'i mai coumplicat que lou prouvençau mistralenc, mas gaire :

 

 

 

Pierre dominique Testa

auteur occitan provençal, L'espai miejournau de Marseille.

 

 

Darrié uno vido proufessiounalo bèn plenado, e un percous universitàri loungaru que li ai davera lou tìtou de Doutour en Lengo d'O, siéu l’autour d'un rouman en trei voulume en lengo d'O " Fino e Cesar ", qu'es l'istòri d'uno famiho dins Garlaban entre mar e coulino en visto de la grando Marsiho de 1890-1995.

Escrìvi de pouesié e siéu editour d’un sìti ouèbou sus la telaragno qu'es titoula " lexiqueprovencal.com ". Lou sìti es un diciounàri gratis, en liame emé la colo de " L'espai Miejournau " que respouende ei divèrsei questien que leis legèire pouédon pauva. Dins aquest encastre, reçuben à Allauch, noueste vilàgi à 15 km de Marsiho dins la couelo coustié de l'oustau de Marcel Pagnol, lei gèns amaire de noueste parla d'O que vouélon e que an la fouarto desèjo de si n'en espremi emé nàutrei.

 

 

 

                                            chemin des Dansaïres

 

 

 

Per avèdre una visto d'ensemble de noùstis articles ammé lours primiers mots :

http://mistralenc.over-blog.com/articles-blog.html

 


 

 




Repost 0
Published by La Coumpanhio mistralenco - dans is abounats e i legèires
commenter cet article
1 janvier 2011 6 01 /01 /janvier /2011 02:14

Lis abounats d'Info d'oc poudrau recebre li messatges dien lour boùstio en s'escrivent à "Newsletter" à l'enbas à drèito.

 

A cado moument se podou desabouna.

 

De sigur podou veni legi en picant lou  noum del blog: mistralenc.over-blog.com

 

Espèri coumo acò poudér countunia Info d'oc.

 

De sigur poudet respoundre is articles en publicant un coumentàri. M'afanarèi per que li coumentàris ajou de caractèris tant bèls que li de l'article de baso.

Repost 0
Published by mistralenc.over-blog.com - dans is abounats e i legèires
commenter cet article

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »