Overblog Suivre ce blog
Administration Créer mon blog
2 mai 2012 3 02 /05 /mai /2012 13:39

Lis oucitans reprochou à Panhol d'avèdre mesprezat la Prouvenço mas aquel filme sourtis dis estudiòs Panhol.

 

http://www.youtube.com/watch?feature=player_embedded&v=gWfccatlib0#!

 

La gavoto prouvençalo es també gascouno.

 

I o li tambourinaire e las dansos, mas daprès i o soubretout la lengo qu'es ounourado dien aquel filme.

Manquessiat pas à la dezièmo minuto la danso di courdelièros :

"Sian fiho de courdelié
fasèn de courde-ello,....
"li recebèn bèn, toùti li pratico
dins nosto boutigo"

Li Catalôs d'Esponho nous aun panado la musico dei courdelièros per lour nadalet "El desembre congelat confòs se retira".

 

 

                        http://upload.wikimedia.org/wikipedia/commons/thumb/0/09/Marcel_Pagnol_1931.jpg/220px-Marcel_Pagnol_1931.jpg

 

 

Vaqui ço que las drollos chantou :

 

Sian fiho de courdelié. 

Fasèn de courdello. 

N’i’a pas de plus bèu mestié, 

De vido tant bello. 

Dins nosto boutigo vèn 

De touto sorto de gènt. 

Li recebèn bèn, 

Li recebèn bèn, 

Tóuti li pratico 

Dins nosto boutigo. 

 

 

Li courdello que fasèn 

Soun bono e coumodo. 

E se fau, vous prouvaren 

Que soun à la modo. 

Mai jouvènt n'aprouchés pas, 

De noste gàubi doutas. 

Se podon pas plaire, 

Lis anan desfaire. 

Se podon pas plaire, 

Lis anèn desfaire.


 

Repost 0
Published by La Coumpanhio mistralenco - dans cinema
commenter cet article
18 août 2011 4 18 /08 /août /2011 15:23

                                   per Felibre d'Auvernho 

 

 

 

I o una meno de censuro dien noùsti païs oucidentaus. Aven l'impressiou que lou NATO vòu tourna bouta una courtino de ferre. Acò fai vint ons que lou Coumunisme es mort en Uropo. Acò fai vint ons que la Russìo o tournat naisse après la loungo nueit. 

 

Mas digu nous parlo pas del cinema russe.


 

Lou sèti Zebra station polaire fai partido de noùsti ligams e presinto dous pintours russes dis annados 1877-78 e dous filmes russes.

 

Vous leissi i ana :

 

http://zebrastationpolaire.over-blog.com/article-la-guerre-russo-turque-de-1877-1878-la-peinture-et-le-cinema-81718346-comments.html#anchorComment

 

 

Sèi estat particulièromen sedut per Vassìli Vereschaghin e Konstantin Makòvski.

 

 

null 

 Aquel imatge que nous fai pensa  à un episòdi de Michel Strogoff ilustro d'eveniments de la grondo guerro russo-turco de 1877-78 durant laqualo la Roumanio, guelo també coumbatento, capité de se delibra definitivomen de las pretencious imperialistos turcos.

 


Lou sousté russe mené à la paz de San Stefano e al Coungrès de Berlin en 1878 que faguèrou de la Bulgario un estat autounome al sé de l'Impèri turc, primier pas vers uno independéncio perdudo despuèi 1390.

 


 

null 

      Makòvski mostro touto la barbario turco, soun mesprez toutau de l'umanitat.

      Lou harem es pas un lioc de plazi, pas per tout lou mounde almen.

 

 

 


  

 

 

 



 

                      военное кино турецкий гамбит

Lou milhour troç mas o pas de sout-tìtouls :

 

 

 

null

 

                       Quand l'armado russo èro uno armado de liberaciou

 

 

Dien soun lhibre "La questiou russo à la fi del sègle Vint", que pareguè en 1994 (?) - pareguè en 1995 en versiou roumaneso is edicious Anastasia - lou grond Alessandre Soljenitsîn esplico entre massos que la Russìo, desempeitado del fascisme roùji, pot tourna jouga soun rolle entrenaciounau.

 

Counsidero que belcop dei questious internaciounalos impourtantos per la Russìo datou d'aquessos annados 1877-1900.

 

Es amour d'acò que repoutegué countro las duoi revoulucious russos, pas per tsarisme, jis ! mas per que counsiderabo que las duoi revoulucious faguèrou "perdre de temp à la Russìo", que "l'aflaquiguèrou" soubre lou plan internaciounau.

 

 

Dounc "Lou Gambit russe" es un filme d'aventuros que se passo durant aquelo guerro de 1877-78 qu'oupauso d'un coustat li russe e li roumanés, aligats à de voulountàris bulgares, is imperialistos turcs.

 

I o d'istòrios d'amour, de trahisou, d'erouïsme e de valéncio.

 

I o de cavalcados que nous faun pantaia amai se mountarion pas soubre aquéssi chavals !

 

I o una realisaciou perfèito, de gronds actours que fariou bleima lei mounacos d'Hollywood,

 

e la musico del grond coumpousitour serbe Goran Bregović



                          
                                                             Ж



                                      Zebra station polaire
       fai partido de noùsti ligams despuèi la creaciou de Mistralenc


Chau dire qu'es una mino d'infourmacious e de culturo.


Fai quauques mes, presintèrou un lhibre passiounant. "Le grand jeu" revirat de l'anglés.

Vous n'èi fat una presintaciou en lengo d'o :


Al cor dei mountonhos isoulados e di desèrts ardents d’Asìo centralo, uno lhuto epico oupousé al sègle dez-o-nau l’Impèri britanique e la Russìo tsaristo. Aquel afrountomen, lou sounèrou « lou Grand Jioc », e si ressous se sintissou inquèro d’uèi.

 

Lou vaste escaquier d’aquelo rivalitat s’espandissio del  Caucase à l’oèst al Tibet à l’èst. Quand lou jioc coumencé, lei frountièros de la Russìo e dis Ìndio  èrou  distantos de mai de tres milo kiloumètres. A la fi, min de trento kiloumètres lei desseparabou à  d’endrèits que i avio. Li britaniques faziou lou semblant de crèire que li russes s’arrestariou pas abans  d’aganta lis Ìndios.

 

Lou lhibre counto l’istòrio del « Grand Jioc », un di capìtouls li  mai roumanèsques de l’istòrio moudèrno, e lis aventuros de sis actours, d’ouficiers jouves di dous camps, que participabou al « Grand Jioc » la sau de lours sounhes, l’escazenço d’escapa à la mounoutounio de la vido de garnisou e de se coubri de glòrio. Aviou lou prifat de negri lis aires bloncs soubre lei mapos, de descoubri lei routos d’invasiou lei mai coumodos, ou lei mai proubablos, de rapuga d’entressinhos, de s’aliga li poutentats loucaus, de finta li mouviments de l’aute camp… D’ùnsi vouiajabou deguisats en pelegris ou en merchands de chavals, d’àutri veniou en uniforme. Lou jioc èro toujour perilhous e n’i o qu’i despareguèrou.

 

Darroucha de dinhitàris loucaus, envazi d’ambassados, se retira pitousomen d’Afganistan, se batre sanguinousomen dien lou Caucase : la premso victouriano n’en parlabo ja. – e lou grond Tolstoi també ! Doublidessiat pas « Haji Mourad » ni aquelo fraso de sa touto primièro publicaciou, un repourtatge dien la premso soubre la guerro de Crimado ounde fougué moubilisat :

 

« Li presouniers francés e anglés sou al fisique coumo al mourau plô superiours à nàutri. Li cousaques sou malirous de li devé tua. »

 

 

Repost 0
Published by La Coumpanhio mistralenco - dans cinema
commenter cet article

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »