Overblog Suivre ce blog
Administration Créer mon blog
27 juin 2015 6 27 /06 /juin /2015 14:57
La jinto Keiko foutougrafiado per Tetsuro Higashi, foutougrafe à Setagaya l'arroundissoment lou mai poublat de Tòkio

La jinto Keiko foutougrafiado per Tetsuro Higashi, foutougrafe à Setagaya l'arroundissoment lou mai poublat de Tòkio

Lou Japoun es ourlat à l’ubac per la mar d’Oc’hotsk, à l’èst e al sud per l’oucean Pacifique, e à l’oèst per la mar del Japoun que lou separo del countinent asiatique.

 

Superficio : 372 313 km²  (benabèl coumo l'Alemonho)

poupulaciou : 126 925 843 abitants.

 

 

La fosso sout-marino loung del Japoun davalo à 10 374 m. Courrespound à uno placo tectounico que resquilho soubre uno auto. Laidounc lou Japoun es un païs de terro-tremoul, e també de voulcans, ço qu’es min counegut:

Lou Fuji-Yama, nalt de 3 776 m, dourmis despuèi lou sègle XVIII, mas lou Sakura-Jima, dien l’isclo de Kyushu, l’Asama, dien l’isclo de Honshu, e l’Usu, dien l’isclo d’Hokkaido, sou toujour ben actiéus.

 

Lei mountonhos coubrissou li tres cinquens del territòri. Lei cimos lei mai naltos aun l’aussado dei cimos pirenencos.  

 

 

 

 

 

                                                            Climat

 

 

Coumo la Chino e la Courèio, lou Japoun fai partido de l’Asìo dei quatre sazous, e noun-pas de la dei moussouns.

Dicistont que sa latitudo vai de la de Quebèc à la de Cuba, la gamo climatico vai d’un aire temperat freid à un aire troupicau.

 

 

Dien l’èst de Hokkaido, la grondo isclo de l’ubac, la temperaturo del mes lou mai chaud (17 °C) es benabèl la del mes lou mai freid dien l’archipèlo dei Ryukyu, lou mai miejournau (16°).

 

                                           Una grondo varietat en ivèr

 

En Okinawa (la mai grondo dei Ryukyu), gèlo e nèvo pas jamai.

À Tòkio, la mejano de ginié es coumo à Paris (3 °C),

mas es coumo à Mòscou (− 10 °C) dien lou centre d’Hokkaido, ounde lou sòu gèlo fin 1 m de prigound e ounde la nèu demoro durant sièi mes, del temp que la banquiso bloco lei costos de la mar d’Oc’hotsk.

 

                                         De temperaturos egalos l’estiéu

 

En estiéu las pluèios egalisou las temperaturos dien tout l’archipèlo: fai gaire mai chaud en Okinawa (28 °C) qu’à Tòkio (26 °C), e fai douç dien lou quite nord d’Hokkaido gràcio al courrent tèbi vengut dis isclos Tsushima. Mas dien l’èst de l’isclo, qu’es refregit per l’Oyashio, un courrent freid que nais dien la Mar de Bering, fai la mèmo temperaturo qu’à Stockholm, maugrat que la latitudo sàio la de Marsilho. 

 

 

En ivèr, l’oupousiciou es neto entre lou Japoun de l’Envers e lou Japoun de l’Endrèit.

 

Lou primier douno soubre la mar del Japoun e recèu lou vent freid de Sibério, chargat d’umiditat per la mar, que li mando belcop d’ecirados.

Lou segound douno soubre lou Pacifique e se trobo souto lou vent en ivèr, amm un temp clar e sic.

 

A la primo e à la dabòrio, de bufados d’aire tèbi e sic venou del countinent chinés: acò’i lou temp lou mai jinte de l’annado: la sazou dei flours de ciriers, ou la de la flambuscado dei fueios d’auzeral. Mas la fi de la primo e la debuto de la dabòrio sou també d’epocos de tifouns que picou mai que mai lei costos del sudst. Amai se destruzou, aduzou l’àio que chau ei rizièros.

 

Lou Japoun o quasimen pertout la chalour e l’umiditat que chau per poudé cultiva lou riz. En deforo de quauques endrèits de la mar Interiouro (Setouchi) e d’Hokkaido, toumbo pertout mai d’1 m de pluèio cado on (1 600 mm à Tokyo, tres cops mai qu’à Paris).

 

La sèuvo japouneso’i richo e coubris li dous tèrs del païs. (un quart en Franço). Mangrovos al miejour, sèuvos de sapis e de bessaus en Hokkaido, ounde visco l’ours brun “higuma”, de ciprès, de fraisse e d’auzerals per lei mountonhos d’Honshu. Acò esplico que la civilisaciou japouneso sàio una civilisaciou de la fusto.

 

Nouven estat lou mai poublat del mounde, lou Japoun es lou sieien per la densitat, à egalitat ammé la Belgico, abons l’Ìndio, e après lou Bangladesh, Taiwan, la Couréio del Sud, lou Liban e lis Oulandos.
 



                                       Una civilisaciou urbono abouro



En vertat li dous tèrs de la poupulaciou demorou soubre 2% del territòri, ço que fai uno densitat de 4 000 abitants al km² dien aquel aire. Mai de nounanto per cent di gents demorou en vilo. Gairebé la mitat di Japounés se repartissou soubre min d' 1% del territòri dien las tres counurbacious de Tòkio-Yokohama, Nagoya, e Osaka-Kobe-Kiòto, que faun un ribon de cinq cents kiloumetres ounte demorou mai de sieissanto miliouns d’abitants. 

 

 

 

 

L’isclo d’Hokkaido fouguè coulounisado al sègle XIX. Aperabons, sis abitants paleo-siberians viscabou tranquilles. Erou de bloncs qu’on sounabo lis “ainous”, mot deribat de “inou” = côs.


I o de gents que countèstou aquelo etimoulougîo mas ço qu'es sigur es que li japounés envaziguèrou aquel poble, n'en mazelèrou uno bouno part e soumetèrou li soubre-vivents que tratèrou ammé grond mespretz durant de sègles.



I o pas mai de bloncs agaro. Li rares ainous qu’aun escapat al mazèl e à la misèrio l’aun fat gràcio à de maridatges mèscles. Demiet aquéssis mestis, quauques uns parlou inquèro la lengo, ammé belcop de môlèus al japounés. En gaire mai de cent ons, un poble o tant vau dire coumpletomen disparegut, talomen que saben pas soun quite noum.


 

                                 L' IDENTITAT ANCIANO, VERAIO E FANTASMADO

 

Durant lountemp l’Istòrio ouficialo presintè li Japounés coumo uno enjo unico: “tan itsu minzoku”, que sario la poublaciou d’ourigino de l’archipèlo. Mas lou simple estùdi de la lengo mostro cossé l’escroucario. Fetivomen, li Japounés parlou una lengo del groupe toungouzian, coumo li moungòus, e li coureans que mesprezou talomen. Aun també de substrats ouceanians e de noumbrous manlèus chinés.

 

L’arqueoulougìo o pougut precisa lei causos :

 

À l’epoco Jômon (10 000-300 ab. NS), la poupulaciou mesclabo de gents venguts d’Asìo centralo e de Siberio, ammé d’àutri venguts del bassi del Yang-tsé, e d’àutri venguts dis isclos del Pacifique.

 

À l’èro Yayoi (de 300 ab. NS à 300 ap. NS), de gents venguèrou de Chino per la Courèio e apourtèrou la tecnico de la riziculturo enaigado.

 

Al sègle IV, un «poble cavalier» vengut de Chino debarquè per Kyushu e avancè vel nord en soumetent tout lou mounde fin la plono del Kanto. Acò sario lou primier estat japounés.

 

Puèi i o uno imigraciou coureano pichouno mas reguliero fin lou sègle VIII.

 

Lis indigenes gardabou Honshu. D’indigenes misterious, lis emishis, que despareissou al sègle X.

 

Lis indigenes gardou Hokkaido fin lou sègle XIX, lis Ainous, de Caucasians nalts, dis ueis blus.

 

Chau recouneisse que puèi, durant doutge sègles, lou Japoun demourè isoulat. Acò faguè un loung brassatge qu’unifourmisè la poupulaciou per l’acciou di genes douminants (ueis bruns e piaus negres). Aquel aspet fisique oumougene esplico l’apariciou del mite de l’enjo unico.

 

 

                                                   Uno inmigraciou recento

 

En 2000 i avio 650 000 imigrats coureans al Japoun. Sou inquèro mai de 40 % dis inmigrats. Li primiers fouguèrou de trabalhadours fourçats abons 1945. Desempuèi, i o també de nikkeijin, de discendents de Japounés emigrats, que sou tournats al païs dis aujòus. Venou quasimen toùti del Brasil. Aun lou drèit de residéncio, mas sou pas cieutadans. Sou d’uèi 17 % di residents estrangiers. (14% venou del Brasil, lis àutri del Perou, lou mai souvent).

 

30% di residents estrangiers sou d’Asiatiques divers (19% de Chinés al mié) que venou coumo “estagiàris” dounc, per una periodo determinado, que puèi s’en vaun.

 

 

                                               Uno emigraciou recento atabé

 

En 2 000, i avio 800 000 Japounés establits à l’estrangiers, 36% is Estats-Units d’Americo (3% en Franço, benabèl trento milo persounos)

 

 

 

 

                                   Una culturo boudisto-counfucianisto

                     

                                          un pauc d'Istòrio

 

Lou prince imperiau Shotoku Taishi faguè en 604, una sintèsi del counfucianisme e del boudisme. N’en faguè la baso del sistèmo poulitique. Mandè en 607 uno ambassado en Chino. Puèi de represintants de l’elèit japounés anarau estudia dien aquel païs. Aquel elèit sinisat bouto en plaço à la generaciou d’après uno administraciou qu’es la mèmo que l’administraciou de la dinastìo di T’ang.

 

En 710, boutou la capitalo à Nara, bastido soubre lou plan de Shang-An (“La Grondo Patz”) actualo Hsi-an (“La Patz de l’Oèst”).

 

Lou boudisme es lou grond aport chinés qu’interesso li Japounés. Mas en realitat, lou counfucianisme e lou taouïsme dintrou ammé guel.

 

L’influéncio chineso es pas toujour pousitivo. Per eximple, aquel elèit sinisat aguè la meissont idèio de reprendre lis ideougramos. L’empego es que, se lou chinés pauso li mots lis uns à coustat dis àutri, s’on pot dire, lou japounés es una lengo ammé de terminasous, de sufixes... Laidounc, li japounés beilou una valour founetico is ideougramos, ço qu’es paradouxau.

Coumo acò marcho pas trop, qu’acò fario un sistèmo trop coumplicat e trop loung per aprendre, un sistèmo silabique es elabourat en 735, mas sèns renouncia is ideougramos!

 

L’imperadour Kammu desplaço la capitalo à Heian-kyo, l’actualo Kiòto en 794. Lei relacious ammé la Chino sou roumpudo en 838, sèns viouléncio ni eveniment. On quito simplomen de manda d’ambassados. 

 

L’administraciou, que devio afrounta lou sistèmo clanique tradiciounau n’arribo à un sistèmo que se pot resuma coumo acò: li païsôs pagou un «drèit d’esploutaciou» en denados is aristoucratos loucaus, que n'en dounou uno partido i moustiers ou i prince imperiaus.

 

Li doumaines prouvinciaus devenou de mai en mai autounomes. L’estat imperiau o disparegut. La situaciou es peraqui la de la feudalitat en Franço. Pieje, à la fi del sègle IX, la famìlio Fujiwara bouto en plaço un sistèmo que li assiguro lou poudér. L’imperadour abdico toujour quand soun filh es minour, e un membre de la famìlio Fujiwara es noumat regent, “kampaku”. (La maire de Hiro-hito èro inquèro una Fujiwara)

 

Al mié del sègle XII, lis clans Minamoto e Taira rivalisou per prendre la plaço di Fujiwara, pamen toujour presents. Li Tairas s’establissou à la Court, abons d’èsse foro-bandits per li Minamoto. 



 

Li Taira aviou uno estratègio d’intrigo de court. Li Minamoto s’apiejou soubre la forço militàrio. S’establissou al relarg de la court, à Kamakura.

 

Minamoto no Yoritomo prend en 1192 lou titoul de shogoun «generalissim», e pas regent. Doublo la ierarchìo civilo d’una ierarchìo militàrio. Loucalomen, li capiòus de clans gardou lour poudér. Sou devenguts ouficialomen de “gouvernadour doumaniaus”. Fetivomen, pagou de talho al shogoun qu’es lou “proutectour militàri”. La famìlio imperialo demoro la sourgo de la legitimitat e lou shogoun gèro al noum de l’emperadour.

 

Culturalomen, la letraduro es epico, chanto lei vertuts guerriero en deforo del clan, e lei vertuts counfucianistos dedin.

 

Lou bouddisme se simplifico en se fazent japounés. Lei sèctos japounesos desvouloupou lou rite e la «fé», l’oubeïssenço en realitat, maudespièit la metafisico. Sufis de vèire lou film “Lou Samourai” ammé Tom Cruise.

 

Dien la sècto de la Terro puro, li membres sou maridats.

L’Escolo Nichiren fai del boudisme una douctrino coumbatento.

Lou zen, d’ourigino chineso, es una reacciou dis elèits.

 

Al sègle XIII, la dinastìo Yuèn (Yuan en pinyin), la dinastìo moungolo que renho soubre la Chino, aganto la Courèio en 1259, puèi ataco lou Japoun en 1274.

 

En 1281 inquèro, 150 000 omes debarcou al Japoun, quand un tifoun destrus lour floto. Li Japounés sounarau aquel tifoun “lou vent divi”, “kamikaze” en Japounés. 

 

 

En 1543, li pourtugués, puèi lis espanhòus, aduzou lou Cristianisme, que se desvouloupo ammé la counversiou del daimyo de Nagasaki en 1562. Lou Japoun ourò 150 000 cristiôs à la fi del sègle XVI.

 

Lou gouvernomen Meiji crèio lou yen en 1871, puèi adoubo un sistèmo bancàri e un sistèmo fiscau. En 1888 crèio un ensenhomen d’estat, en 1889, una coustituciou. En 1894, lou Japoun senho un tratat d’egalitat ammé lou Reiaume-Unit. Lou Japoun vence la Chino en 1895, la Russìo en 1905, e prend la Courèio en 1910. Quond l’imperadour Mutsuhito, “Meiji tenno”, mouris en 1912, lou Japoun es un païs respectat.

 

 

 

 

L’identitat japouneso

 

 

Li Japounés sou counvençuts d’èsse uno naciou particulièro. Una letraduro aboundouso, lou nihonjinron, glourifico l’amo naciounalo ammé per poustulat de baso que l’enjo japouneso sario oumougèno e puro, e que lou Japoun sario estat gouvernat despuèi toujour per una liniado imperialo remountant à la divo Amateratsu. De manuals escoulàris portou inquèro aquel mite, claromen ou per suggestiou. Coumo que sàio, li Japounés sou counvençuts qsue sou una “naciou ourganico”, plô diferento dei nacious oucidentalos, coumunautats artificialos de groupe units per l’Istòrio e d’adouboments juridiques. Li japounés se vezou coumo lei celulos d’un meme cos, laidounc coulabourou armouniousomen. Acò justifico las pouliticos sarrados d’inmigraciou e de naturalisaciou. Li japounés d’ourigino coureano, quitomen loundano, sou cieutadans, mas sou be fourçats de se marida entre guéssi, que li japounés de soucam li vezou coumo d’estrangiers.

 

Li japounés se vezou coumo nàutri coumo uno «naciou païsono», amai se sou gairebé toùti vilauds coumo la maje-part di francés. Counsidèrou que la riziculturo milenàrio lour o beilat de vertuts persounalos, familialos e civicos coumo lou sens de l’esforç, la frugalitat, l’enduranço dien lou malur, lou respet dis aujòus enterrats près di chomps qu’aun arrousats de sizour, l’amour de la naturo nouiricièro, la capacitat de trabalha ensem e l’ourrour de la guerro que devasto lou terradour.

 

Counsiderou lis oucidentaus coumo de pobles d’elevaires barrullaires, que viscariou soubre la forço e lou murtre : soumissiou de l’animau, e counsoumaciou. Sarion de gents sèns respet per las terros que farion pas que traversa.

Chau dire que li primiers bloncs que couneguèrou èrou de guerriers pastours e noumados. 

 

La nouciou de pechat es descounegudo de toutos lei religious tradiciounalos japounesos. Acò lèvo quaucos inibicious, mas acò meno pas à la criminalitat, qu’es tres cops mai feblo qu’en Uropo, coumo la touxicoumanìo e lou divòrci. La countro-partido es que i o belcop de sèctos, qu’espleitou lou besou de couesiou e de siguritat sichico di Japounés e belcop de suicìdis.

 

L’oubsessiou de puretat del boudisme japounés, sa veneraciou de l’alimentaciou per las plontos, oupausado à l’alimentaciou animalo, faun que lis mazeliers e trabalhadours del cuèr, e lours discendents, li “burakumin”, sou counsiderats coumo de gents foro-casto, en dejous de la soucietat. Lou meme dezi de puretat fai counsidera coumo “burakumin” lei victimos di bourbadoments nucleàris de Hiroshima e Nagasàki.

 

Dien lou boudisme japounés, l’individu existo pas coumo tau. Soun identitat ve de sa leialitat al groupe. La pratico counfucianisto apound un princìpi ierarchique à-n-aquel princìpi ourganique.

 

Per achaba vourio pamen precisa chicon. En me legissent, n’ourés l’impressiou que li japounés sou prou racistos, mas i o pas cap d’agressivitat chas guéssi envers lis estrangiers. Acò’s almen chicon. E li touristos japounés à l’estrangier se coumportou plô mièl que li touristos francés.

 

 

 

 

 

 

 

 

 

 

 

 

 

 

 

 

 

 

 




 

Keiko en coulours ammé sa flour d'ièli tatouado
Keiko en coulours ammé sa flour d'ièli tatouado

Keiko en coulours ammé sa flour d'ièli tatouado

Un parelh japounés de d'uèi

Un parelh japounés de d'uèi

Repost 0
Published by La Coumpanhio mistralenco - dans geougrafìo
commenter cet article
16 avril 2014 3 16 /04 /avril /2014 15:26

                                                    per Alan Broc

 

 

Eimi lei sèuvos mas eimi pas qu'ensajèssou de me faire crèire de foutralados.

 

 

 

 

Souvent quond i o un incèndi acò's uno catastrofo per tris razous :

- Pot i 
avèdre de morts.

- I o d'oustaus cramats

- Lis espàcis cramats sou lieurats per li municipe is agents imoubiliers.

 

 

I o souvent un quatreno razou de desoulaciou qu'es uno errour. Lis inhourents de la televisto vous dizou "la naturo'i destrucho" quond en realitat lei sèuvos se cultivou. 

 

 

Se leissat una sèuvo à l'estat "natiurau" una meno d'aures nalts prendrò tout lou souguilh is àutri... que crebarau. Acò's atau qu'avet is Estats-Units, al Canada e en Siberio de sèuvo inmenso amm' una soulo meno d'aures, de sapis ou d'abets.

 

 

Per beila uno idèio de la vido d'una sèuvo èi troubat la vido d'uno dei sèuvos lei mai coumplicados de l'Istòrio manhificomen resumado per un geougrafe americô que parlo de la sèuvo de Califournio :

 

 

Cò fai vint milo ons, li glaciers de l'epoco glaciàrio se retirèrou de la Califournio en cavant la valado de Yosemite e d'àutri sètis touristiques d'uèi.

 

En dispareissent leissèrou darié guéssi una plono counflado d'aigo, ammé de lacs alimentats per lei glaços que foundiou mas i avio gis de vegetaciou. Lou sòu èro en gros de sablo umido. Chouguè de milierats d'annado à la terro per s'assica del tenp que li glaciers se retraziou inquèro mai al nord. La Califournio americano de d'uèi èro devengudo una toundra d'èrbos prou naltos ounde viscavou de mirgo e d'esquiròus. L'ome i èro també ; chassavo d'animaus pichous e alucavo de fiocs.

 

 

 

A la debuto las plontos de meno arcticos èrou lei soulos que poudiou s'enraziga deïn lou sòu glaçat en prigoundour. En se descoumpousant, al fiau di milenàris, faguèrou uno jasso d'umus que permetè touto uno seguido de coulounisacious vegetalos.

 

 

Lou pi lodgepole arribè lou primier acò fai quatorge milo ons. Puèi venguèrou l'abet, puèi lou sapi del Canada, lou vernhat, de menos d'aures que podou pas veni primièros soubre un sòu. Aquéssis aures sou la vertadièro "sèuvo primitivo". Poublèrou la regiou durant quatre milo ons. Puèi lou climat se rescaufè inquèro e toùti li glaciers de Califournio foundèrou. L'encountrado èro devengudo chaudo e sico, d'incèndis s'i faziou facilomen. Devourèrou la sèuvo primitivo que fouguè remplaçado per una vegetaciou coumpousado de chassanhs e d'èrbos diversos. I aguè també quauques pis Douglas mas pas gaire : lou climat èro inquèro trop sic per guéssi.

 

 

 

Cò fai sièi milo ons lou climat chambiè e se faguè mai umide : lou pi Douglas s'espandiguè, lou sapi també e lou cèdre venguè. Faguèrou lei jassos superiousos dei sèuvos que vezan d'uèi. Mas en dejious, l'Istòrio geougrafico countuniavo.

 

 

Poudan counsidera lou pi coumo una meno de plonto nouziblo, una meno d'èrbo marrido e giganto qu'oufeguè la vegetaciou indigeno. La canoupéio fai trop d'oumbro per que lis autros menos pouguèssou soubre-visca. Irousomen i avio lis indiôs.

 

 

Fintavou plô la natiùro. Aviou remarquat que lei sèuvos vièlhos agoutavou lou sòu. Alucavou de fiocs per lei crama regulièromen en s'assigurant de leissa de bosses al mié de las plono e de las prados. Lei sèuvos que li primiers uroupencs veguèrou èrou pas primitivos ni tampauc natiuralos, èrou cultivados. I avio min de sèuvos fai cent cinquanto ons que d'uèi. Lis indiôs èrou realistos ; nàutri banhan d'uèi dinc uno mitoulougìo roumantico.

 

 

                                      Alston Chase, In a Dark Wood.

 

 

Counclusiou :

 

 

La menaço de rescaufoment planetàri es fausso, mas amai se fouguèsso vertadièro, ourio d'efets benefiques soubre la maje-part de la planeto.

 

 

   Foret_en_Californie_1024x768.jpg

 

         La sèuvo califourniano ount' es leissado à l'abandou, "à l'estat naturau" segoun li roumantiques, o uno soulo varietat d'aures. Irousomen que l'ome, passejaire ou bouscatiers, aun adoubat quauques relargs ounte d'autros menos de plontos podou crèisse gràcio al souguilh que recebou.

 

 



 

Repost 0
Published by La Coumpanhio mistralenco - dans geougrafìo
commenter cet article
3 avril 2014 4 03 /04 /avril /2014 21:27

                                                  per Alan Broc


 

Quond on es istourian en Franço on es fourçat d'èsse també geougrafe e dous pans de la Geougrafìo m'interessou : la climatoulougìo e la prouvenienço dis animaus e de la frucho.

 

 

Vaqui perqué vous parli uèi di grapalds.


                        Louthrengen huet hir Mouke gär.

 

 

 

Dounc la Loureno eimo si grapalds.

 

 

Aquel animau qu'es tont laide que semblo Jean-François Coppé es pamen forço util - al countràri del poulitician qu'es un nouzible -

 

 

Lou "grapald esquillaire del ventre jaune" risco de disparèisse, sounque en Loureno ounde lis administracious, lis assouciacious e lei quitos entrepresos gandissou l'abitat di grapalds amai uno entrepreso faguè una quito restanco per adouba un plan d'aigo que lour counvengo.

 

 

Lou peloubate brun Pelobates fuscus e lou grapald verd sou també à lour aise en Loureno.

 

 

Lou peloubate demoro pas più qu'en Loureno e en Alsaço. Aperabons èro dién touto la Fronço.

 

 

Lou grapald verd Bufo viridis se trobo en Coursego e dién lou Warndt, en Mousèlo dounc. 

 

 

            crapaud-vert-bufo-viridis-milo1020091224105856.jpg

Repost 0
Published by La Coumpanhio mistralenco - dans geougrafìo
commenter cet article
6 mars 2012 2 06 /03 /mars /2012 18:03

                                        LI  PAÏSETS  DEL  CANTAU

 

 

Al cor del departoment i o 

 

Li Mounts del Cantau, ammé lou Puèch Mari al cor, Supèr Liauran à l'èst, Sant-Jiaques di Blats à l'adrèit, e Sant-Cirgue de Jourdano al sud-oèst.



L'Artenso.  Plateau situé au nord-ouest du département, englobant les communes de Lanobre, Beaulieu, Champs-sur-Tarentaine/Marchal, Trémouille et Montboudif, il borde également le sud-ouest du Puy-de-Dôme.



L'Aubrac.  Au sud-est, ce haut-plateau correspond au pays de Saint-Urcize, au sud de la Truyère. Il s'étale aussi sur la Lozère (Aumount) et l'Aveyron.



Lou Caldagués. Chaudes-Aigues en est la capitale.

Il n'est pas marqué sur cette carte.



Lou Cezalier.  Plateau du nord recelant quelques jolis villages comme Condat, Marcenat, Chanterelle, Montgreleix, ou plus au sud Lugarde, Allanche, Ségur-les-Villas, Saint-Saturnin ou encore Chalinargues (sur une partie du Cézallier qu'on appelle aussi la Pinatelle). On a parfois coutûme de dire que le Limon (plateau dominant les villages de Cheylade, Le Claux, Dienne et Lavigerie) appartient à l'extrème sud-est du Cézallier. Le Cézallier est "à cheval" sur le Cantal et le Puy-de-Dôme.



La Chastanhau. Acò'i lou bassi de Mau. Mourjou ounde lou Paris-Niço passo lou sèt de mars es din la Chastanhau.

 

                             

 

Lou Cantalés.  Al nord-oèst d'Ourlhat (Saint-Etienne-Cantalès, Sant-Marti-Cantalés, Sant-Santi-Cantalés...). Certains y intègrent le pays de Salers. 

Ceux qui les différecient placent Saint-Cernin dans le pays de Salers et tout ce qui est à l'ouest dans le Cantalès, qui serait donc un petit recoin de l'ouest coincé entre Pleaux, en Saintrie, et Larroquebrou, en Châtaigneraie.

Petit problème si on veut séparer le pays de Salers du Cantalès, ça place la commune de Saint-Martin Cantalès hors du Cantalès !

 

Acò'i dounc mai razounable de dire que lou païs de Salèr fai partido del Cantalés.



La Marjarido.  Aux confins du Cantal, de la Haute-Loire et de la Lozère, elle englobe les communes de La Chapelle-Laurent, Loubaresse, Montchamp, Ruynes-en-Margeride, Saint-Poncy et Védrines-Saint-Loup, grosso-modoà l'est de l'A75.



La Planeso. Une planèze est un plateau de laves anciennes. La plus célèbre est celle de Saint-Flour. Cependant, ne pas oublier celles de Chalinargues (sur le Cézallier), de Pierrefort, de Lacapelle-Barrès ou plus au nord, de Trizac. La Planèze, ou planèze de Saint-Flour, ce sont également Andelat, Neuvéglise, Paulhac, Talizat, Villedieu...



Lou païs de Salèr. Terroir dans le terroir, il fait partie intégrante des Monts du Cantal mais a sa propre personnalité. Le village de Salers a donné son nom à plusieurs communes environnantes : Saint-Vincent, Saint-Projet, Saint-Rémy, Saint-Bonnet, Saint-Paul et Anglards-de-Salers. La haute vallée de la Maronne est à la fois du pays de Salers et du Cantalès.

 

Noto : Salers se prononce /salèr / en français. En lati se sounavo Salernum. Mèmo razigo que la vilo italiano Salerno.



La Sentrìo.  Regiou de Plèus, s'espandis també en Courrezo, tout à l'entour de la Marouno, ammé sa ribo esquerro forço bouscado. Soun noum vendrio de Saint Trie.



Lou Carladés.  Pays de Carlat, son nom résulte d'une ancienne seigneurie et il représentait autrefois une superficie importante (Boisset et Montsalvy en Châtaigneraie, ou encore le Rouergue de Mur-de-Barrez en faisaient partie).

Lou Carladés es agaro la regiou de Carlat, Cros-de-Ronesque, Pailherols, Polminhac... Il montre des traits culturels bien particuliers, du folklore à la gastronomie en passant par la langue et surtout l'architecture.

 

Lou Veinazés es la regiou de Mountsàlvi loung del departoment de l'Aveirou. Le village de Junhac en fait partie, berceau de Pierre Malvezin qui a tant chanté son Veinazés.



Lou Mouriagués. Comme son non l'indique, c'est Mauriac qui a donné son nom à cette région constituée de plateaux et vallées profondes. Chalvignac, Salins, Jaleyrac sont dans le Mauriacois, qui désigne également un style architectural de Haute-Auvergne (Mauriacois, Sanflorain, Aurillacois, cf cantalroman.free.fr).

 

Il n'est pas marqué sur cette carte qui l'annexe à la Saintrie. Il s'étend depuis Mauriac sur ce que cette carte appelle les plateaux de l'ouest et sur une partie des plateaux du nord.

 

 

                  



 

 

Noto :  Sant-Jiaque di Blats / Saint-Jacques des Blats

 

Lou noum d'aquelo coumuno nous counfirmo qu'en auvirnhat "lou blat" c'est la céréale en général, pas le blé !  (qui se dit "lou froument")

 

Lou froument pot pas veni à Sant-Jiaque di Blats, acò'i trop en naussado !

 

Souvent amai lei gents dizou "lou blat" per l'òrdi.  (l'uerdi à Sant-Flour)
 

Repost 0
Published by La Coumpanhio mistralenco - dans geougrafìo
commenter cet article
31 décembre 2010 5 31 /12 /décembre /2010 16:44

La Santòrio es una ribèiro d’Auvernho que nais al pè del Puèch Mari, e que fai de gourgo en passant per la planeso granitico de l'Artenso.

 

 

                         La Santoire à Lavigerie.

 


En auvergnat, beaucoup de gents l'appellent incorrectement la Santouiro, en occitanisant la forme française.

Entremié li mounts Doro e lou Cantau, la vièlho planeso granitico de l’Artenso, un païs de terme e de coumbos, cavat de Sant-Bounet-de-Coundat à Bor-lis-Ourguenos per de gourgo e de glaciers : gourgos de la Ruio e de la Santòrio, à l’ubac del Puèch Mari, ammé lours sèuvos espessos.

 

Lou prefet ve de beila lequet de basti lou barratge e la micro-centralo soubre la Santòrio al nivèl de Sant-Bounet de Coundat, maudespièit li pescaires e lis assabérs repetats de l’assouciaciou « Dourdounho vivento.

 

Lou mèstre en Gai Saber Jòrdi-Maurìci Mauri es malirous d’aquelo decido :

 

« San al cor del chastèl d’aigo de la Franço. Nouste maium idrougrafique es per nouste departoment del Cantau coumo per nouste cos lou maium de la circulaciou del sang ammé sis artérios, venos e vaissèls capilàris : una paret de mai per arresta l’aigo, e cò’s l’infartus per tout lou sistèmo, e i aurò pas de pountatge, pauro Santouiro ! L’istòrio d’aquelo ribèiro, uno di mai jintos del Cantau, es un resumat de la nostro. Acò’s una ribèiro libro e di min courroumpudos. Ammé soun esclavatge, s’envoularò un pauc de nousto lhibertat. Guelo qu’avio boutat, per faire sa plaço, de miliouns de sègles, per una pounhado d’euròs vai èsse vendudo coumo esclavo soubre lou merchat del liberalisme sóuvatge. »

  

La forme correcte est donc la Santòrio.

 

Le grand poète Jean-Marie Gaston la mentionne souvent dans son poème épique Miounèlo, car c'est sur le plateau d'Artense que le héros Piorrounèl va pour l'estive.

 

Extraits:

 

 

 

Per la plono de Vercuèiros lou capelô benegis lou troupèl que vai parti vers la mountonho e prègo à nalto-voutz :

 


« Tu que nasquères miseraple

A Betelèm, dinc un estaple,

Agacho d'un boun uèl, queste mati de mai,

Se cò t'agrado, o Rei de glòrio !

Lou bestiàri d'aquelo buòrio

Que s'en bo pasqueja, pas lonh de la Santòrio,

La ribièiro que passo en Dièno, e que jiamai

Sul la mountonho bousselado,

Mès qu'òu dimpièi fertilisado

Les cenres e lou fiot des boulcons del Cantàu,

Quauco bedèlo ou quauco mono,

Butado per un cuòt de bono,

Per aquéchi trabers ound flouri la ginçono,

Lou cuèr apastelat, toumbesso dins un tràu ! »


 

 Mai lonh lou pouèto parlo i pastres que partissou quatre mes dien la mountonho, plô soulets :


 

Salut ! ploumbs ! Mountonhos eimados !

Dins lou cièu del Cantàu quilhados !

Cratères e boulcons de nostre fier païs !

Terro d'Oubernho, ò terro antico

Ound dinc uno luto erouïco,

L'un ambe soun espaso e l'autre om' sa francisco,

S'afrounterou Cesar e Bercingetoris !

 

 

Plouratz belèu per buostro migo

Dins lou masut que bous abrigo

Manaires, boutilhés e pastres cantalés,

Gardas eici buostro amo sono;

La terro ound flourit la ginçono

L'òu trupido les filhs de la Loubo roumono

E tencho de lour song buostres àvis Galés.


 

Quond, per rapela lour memòrio,

Dins les coumbèls de la Santòrio

Lou bent se lebaro, ferouche e trioumfont,

Un ser de tempesto ou d'auratge,

Escoutarés coumo un messatge,

Semblable al bramadis de quauque bràu soubatge,

A la poùnchio des puèts courna lour oulifont.

 

 


Repost 0
Published by mistralenc.over-blog.com - dans geougrafìo
commenter cet article

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »