per Felibre d'Auvernho
Lou Pakistan es un aligat d'Obama e de Sarkòzy, à crèire que volou bouta pertout de califats islamiques, coumo aun ja fat en Libio e coumo s'aprèstou de faire en Surìo ounde i o ja de soudats francés que "formou" li tuadours islamistos.
PAKISTAN – d'islamistos aun devastat una glèisio e moulestat d'efonts cristiôs en pretendent que treboulavou una pregàrio musulmano.
L'afaire en el-mème es plô courrent e se counsideran que digu es pas estat tuat, acò ne fai un eveniment menèl. So que i o de nouvèl es que la premso fai lou ressou de l'indinhaciou d'una musulmano.
Una blouggairo musulmano s'enausso countro la viouléncio patido per d'efonts cristiôs à Karàchi, la capitalo del Sindh.
Darrièromen un escabot de quatre islamisto o atacat una glèisio dien lou bàrri de Manghopir. Aun batut lis efonts e devastado la glèisio, afrabats lis oubjets sacrats e chauchat lei biblos. Aun també darouchat lou sistèmo d'amplificaciou del sou al found de la glèisio. Lis agressours pretendiou que "li chants dis efonts cristiôs treboulavou lour pregàrio" maugrat que s'augissou pas del deforo juste davant la glèisio.
La coumunautat cristiano loucalo o pas gausat pourta clam per cranhto d'autros viouléncios en retoursiou, ço-dis un represintant de l'APMA (All Pakistan Minorities Alliance). Toutos lei glèisios del bàrri sou demourados barrados quauques jours, que lis efonts sou terrourisats.
Acò'i remarcable de vèire que la soulo persouno que s'es indinhado dien lou païs es una blouggairo musulmano, Sana Saleem, (Sana Salim en ourtougràfio noun-angleso) que se dis "indinhado" e que parlo d'uno acciou "atroço, barbaro, mesprezablo".
Lou vejaire d'aquelo blouggairo coumto, qu'es assouciado à divers journaus pakistanés amai internaciounau coumo "The Guardian".
Afourtis inquèro: "D'autros viouléncio se farau. Se tracho pas d'un simple fanatisme, mas d'uno aziranço bòrnio que nouste silénci alimentarò."
La blouggairo aparo també d'autros minouritats religiousos coumo lis ahmadis, que lis àutri musulmans counsidèrou en deforo de l'Islam e dounc renegats (e dounc passibles de morts en drèit couranique). Aquéssis ahmadis patissou d'abus e d'agressious sistematiques. Sana Saleem afourtis : "Se trouban pas la forço de prendre pousiciou countro li bigots, se dizen pas nousto indinhaciou davant aquelo barbario, se sen pas coumpatissents envers li que patissou, saren soubre la bouno routo per l'auto-destrucciou."
Dien lou bàrri de Manghopir près de quatre cents familhos cristionos viscou al mié de familhos musulmanos d'etnìo pashtoun. Divers bailes musulmans loucaus ensajou de proumòure de rescountres d'afrairome entre las duoi coumunautats.
Per n'en tourna al titoul de l'article, fazen remarca que li musulmans mouderats del Pakistan, que gausou parla, prendou mai de risques que li musulmans mouderats de Franço, que se taizou.
Se li musulmans mouderats de Franço sou trop passiéus, chau nouta que demié li Francés d'ourigino magrebino belcop gausou dire publicomen que sou atèus ou que sou agnoustiques, ço que li caracteriso ja coumo renegats en Drèit musulman, e que pourrio lour valér de fatwas de coundennaciou à mort.
/fdata%2F4189852%2Favatar-blog-1203636952-tmpphp67xRFi.jpeg){kind=avatar}