A Visoun la roumano
en parla d'Avinhoun
Es aqui tout de long de l’Ouvézo risento
Un site agradiéu qué s'apèlo Visoun
Din l’antique passa a subi l’envasioun
Li tradicioun roumano enca ici presento
Dóu vièi Visoun à daut lou castèu qué doumino
Un tresor dé scïenço qué l’ome a desterra
A l’obro dé Titan poudès lou coumpara
Di rèire respeli lou souveni camino
Sé davales plan-plan ila vers la coulino
Vaï-t-en te requeli Capello Sant Quenin
Gardien di souveni de Vilasso à Puymin
Et dóu vièi pont rouman qu’èici a pres racino
Oh ! Sé poudién parla li pèiro ounte camines
Li Temple respeli li coureto d’amour,
Pelerin d’à cambado que la glòri calignes
La vilo dé Visoun té consacro à l’hounour.
Sé n’as fat que passa gardo la souvenenço
d’uno pèrlo escandido vestige d’envasioun
Sachés te souveni o-tu bèlo Prouvenço
Que Roumo t’a vesti d’un mantèu dé Visoun.
Audouard Barrot
per l'escouta dit per lou pouèto guel-mèmo :
http://