Overblog Suivre ce blog
Editer l'article Administration Créer mon blog
15 avril 2011 5 15 /04 /avril /2011 21:33

Damondo qu'on juje Sarkòzy davant un Tribunau Penau Internaciounau per crime countro l'Umanitat en Costo d'Ivòri.

 

 

En deforo de la premso britanico e americano, Sarkòzy es vist coumo un fòu sanguinàri e perilhous.

 

 

Ces hommes, parqués comme du bétail, sont retenus par les forces d’Alassane Ouattara à Abidjan et sont gardés prisonniers pour des raisons inexpliquées. Ce lundi, le président ivoirien sortant Laurent Gbagbo a été arrêté par les forces d’Alassane Ouattara et conduit à l'Hôtel du Golf, quartier général du camp. (Crédits photo: Rebecca Blackwell/AP/SIPA)

 

Aquéssis omes, dinc un camioun de bestiaus, sou retenguts per lei milìcios d’Al-Hassan Ouat'tara en Abijan e sou gardats presouniers sèns razous counegudos. Acò'i lou jour de la sequestraciou del president ivourian per l'armado franceso

 

 

 


Vaqui l'article de Ramatkal :

 

 

                     Chau que lou TPI juje Sarkòzy !

 

 

"Un lïoun es toumbat, se sounabo Gbagbo !

 

 

So qu'anat legi çai-après es uno enquisto e uno analìsi dis eveniments terribles que se sou passats en Costo d'Ivòri, un païs qu'on vezio fai pas tant de temp coumo una sousto de patz, un endrèit prouspère de l'Africo del pounent. Mas coumencen per lou coumençomen : 

 

La Franço juro qu'o pas participat à la sequestraciou del President Gbagbo. Acò's una messourgo desvergounhado. Fetivomen, dien lou telejournau de uèit ouros del sir lou dimars 12 d'abril, moustrèrou una videò amatour d'un coumbatent dei forços "republicanos" qu'avio filmat l'assalt finau. Lou moument cruciau aparèis quand nous mostrou madamo Simouno Gbagbo que li rebèls menou e brutalisou per la buta dienc una veituro que la dèu mena à l'houtèl del golf.

 

 

Mas, quonho sourpreso èi agudo ! Te vézi pas d'un cop, en rèire-plan, un "ERC-90 Sagaie", - un vehicul blindat amm' un canoun de nounanto milimetres -  un vehicul francés dien la residéncio presidencialo ammé soun canou vers la porto !!!

 

E nous pretendou que la Franço i sario pas dintrado !!! Mès alèro, qué fazio 'qui, lou blindat ? Aven eici la provo que la Franço o fat toumba lou President Gbagbo e qu'o fourçat plô netomen toutos lei counvencious internaciounalos !

 

Acò'i pas de neo-coulounialisme. Nou! Acò'i lou coulounialisme vièlh del sègle Dezonau, quand li "civilisats" anabou esplica ei barbares africans coumo deviou visca desenant. Las pouténcios coulounialos lour impausabou li capiòus que poudiou lei chapla tant qu'èrou de bouns coulabouratours.  Sarkòzy o fourçat toutos lei reglos internaciounalos en soustenent militàriomen un camp pulèu qu'un aute. Chau vèire també que cap de resouluciou de l'ONU damandabo pas de dintra dien la residéncio ni d'en foro-bandi Gbagbo. Agaro chau coumprendre perqué o fat 'cò.

 

 

E o ! soubre qué s'es basat per prendre partit ?  Ne trouban la respounso dien lou "Ritou Encadenat" del tretge d'abril :

 

 

                                  L'ivoirité vue depuis l'Elysée :

 

Durant aquel mème counselh di ministres Sarkòzy  o dit també :

 

" Chau pas doublida que Gbagbo es catoulique e que Ouat'tara es musulman. Sousteni lou segound sarò un sinne de douberturo de nousto part. "

 

 

Coumencen per ço qu'es enorme. Sarkòzy o chauzit Ouat'tara per qu'èro musulman ! Increzible ! O dounc fat tout acò per moustra, après un "debat" mitous, qu'èro pas coumpletomen islamoufobe e beilabo de gatge i musulmans soubre sa sarko-islamo-coumpatibilitat en soustenent Al-Hassan Ouat'tara.

 

Pouden faire lou paralèu ammé lis islamo-Al Qaïdo-rebèls de Libio !

 

 

 

Mès alèro, quau es aquel Ouat'tara ? En realitat es soulomen pas ivourian. Acò's amour d'acò qu'en 2000 pouguè pas participa à la presidencialo ounde Lourens Gbagbo fouguè lou ganhaire.

 

 

Puèi lou 19 de setembre de 2002, Ouat'tara ensajo de faire un cop d'estat countro Gbagbo ammé quauques generaus.  Acò faguè capoussa lou païs dein lou caòs, e lou maquiavelique e engertable Doumenge de Villepin impausè en 2003 lis acòrdis de Marcoussis que despoulhèrou Gbagbo de l'essenciau de si poudérs e que permetèrou à l'oupausiciou de dintra dien lou gouvernoment, quand avio perdut las eleccious !

 

 

Après acò, venguè una resouluciou crucialo, l'encauso de la catastrofo de d'uèi. Acò èro lou 27 de febrié de 2004 e lou counselh de seguritat de l'ONU voutabo la resouluciou 1528 que permetio de desplega "lei nacious unidos en Costo d'Ivòri (ONUCI) per un temp de doutge mes, qu'aun fat prelounga fin d'uèi !

 

Aquelo forço avio teouricomen lou prefait de faire respecta l'arrèst del fioc, d'ajuda à desarma li rebèls e d'ajuda li coumbatents à tourna à la vido civilo. Devio també retrassa lis armos ou lei destrure.

 

Mas faguè pas ris de tout acò !

 

Pìri, Ouat'tara qu'avio ratat soun cop d'estat, coumo Hitler, se diguè que "ganhario" per las urnos. Hou faguè en coumetent de fraudos massivos recounegudos per l'ONU, que l'o declarat vencedour pamen !

 

 

Ouat'tara e sei chourmos, per que la resouluciou 1528 es pas estado respectado, faguèrou de mazèls de masso plô vioulents en cridant "Allahou akbar". Aquéssi massacres faguèrou de milierats, ou de dezenaus de milierats de victimos. Un di darrier chaples, li ouat'taristos lou faguèrou à Duekoué ounde fourcèrou, mutilèrou e cramèrou vivos mai de milo persounos. Mas qué faziou l'ONUCI e la Forço Licorno ?

 

 

Sou penalomen respounsablos d'avèdre pas aplicado la resouluciou 1528. Mas acò o pas retengut Juper e soun mèstre de nous tourna faire lou cop de "Intervenen per proutegi li civils !"

 

Ah o ? Quones civils èrou en perilh quand Gbagbo èro aclatat dien soun bunker ammé tout-escas quaucos pèços d'artilhario per resista à l'assalt, del temp que si co-religiounàris civils se faziou chapla à l'armo pesugo per lou camp Ouat'tara !

 

 

La Franço e l'ONUCI aviou lou devér d'interveni militàriomen per proutegi li civils mazelats per lou clan Ouat'tara. Acò's un fourçomen clar de la resouluciou 1528. Bessai que s'on avio pas oucupat lis elicouptères francés à boumbarda lou senhe Gbagbo, auriou pougut servi à sauva de vidos civilos ! Acò se souno de noun-assisténcio à persounos en perilh. Enfi, vous liéuri la pèrlo de la razou de la guerro menado per Sarkòzy Primier.

 

 

Diguè abans de decida la guerro que Gbagbo èro un fòu qu'embarrabo si jougaires de foutbalo quand aviou perdut un match. Acò'i dounc per acò qu'avet fat tua tant de gents, moussu lou president ? Vous acordi que s'un president fazio un causo parièro, acò sario 'na provo de foulio e que meritario qu'on l'escampèsso. A-be, sounco que... Gbagbo l'o pas jamai fat ! Lou que faguè cò èro lou generau Guèi que Gbagbo vencè à l'elecciou presidencialo justomen ! 

 

 

Moussu Sarkòzy, fazet pietat. Per voùsti coumpourtomens recents, avet moustrat la foulio qu'es la vostro. Lèu vengo lou temp que lis ivourians vous tradurau davant li tribunaus e d'en primier fau lou vot que li francés vous gardarau pas en 2012 dien voustos founccious, que sou faitos per de gents respounsables, e noun-pas per d'impulsieus del coumpourtomen infantil que metou lou mounde en perilh !!

 

 

                                                 Ramatkal – JSSNews

 

 

 

 

Moun coumentàri :

 

Al countràri de belcop de messatges anti-semitos que virou soubre internet, vezet aqui un journalisto israelian escoutat que prefero uno Libio independento, quitomen qaddafisto, à una Libio souto proutectourat mas lieurado ei bandos senoussitos.

 

                            A.B.  felibre d'Auvernho, Mèstre d'Obro del Felibrige.

 

 

 

Per avèdre l'article en francés :

 


http://jssnews.com/2011/04/14/sarkozy-doit-etre-juge-par-le-tpi/

 

 

Sèns garantido vous beili també aquel article 

 

http://zebrastationpolaire.over-blog.com/article-geopolitique-des-ressources-la-cote-d-ivoire-c-etait-bien-pour-le-cacao-71818261.html

 

que mostro que i o també una grondo batuèsto à l'entour dei ressourgos de cacaò.

 

 

Partager cet article

Repost 0
Published by La Coumpanhio mistralenco - dans actualitat
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »