Overblog Suivre ce blog
Editer l'article Administration Créer mon blog
17 mars 2011 4 17 /03 /mars /2011 22:29

                                                per Felibre d'Auvernho

 

 

A coustat de la proupagando del NATO qu’ensajo de nous faire prendre de vessigos per de lantèrno e de fanatiques per de demoucratos, lis especialistos del mounde arabe sou toumbats d’acòrdi per dire que l’oupausiciou libiano èro « salafisto ».

 

Acò’i pouliticomen exact dien lei grondos lìnios s’on vòu dire que sou d’islamistos vioulents soubre lou plan poulitique, sunnitos soubre lou plan religious, e pas dependents d’Al Qaïda, amai se podou n’èsse lis aligats.

 

Encadrat del 30 de mars:

 

La counferéncio de Loundres de ièr s'es achabado sèns decido councreto puèi que lou coumandant generau de las troupos americanos en Uropo i o declarat :

"Avèn de provos de la preséncio d'Al Qaïda i coustats dis insurgents".

 

De founts britanicos noun-precisados l'aviou ja dit. Agaro acò's aquel generau e en public.

 


Acò damondo pamen de precisious. En realitat li revoultats de Cirenaïco sou « senoussitos ».

 

Abans d’esplica, deven rapela quaucos basos :

 

 

                                                                     Ж

 

 

                            Las oubedienços musulmanos

 

 

Tout lou mounde sap que i o li shi’ito e li sunnitos. On doublido souvent que i o de groupe e de sèctos que sou en deforo d’aquessos duoi classificacious : li druze del Liban, lis ‘alaouitos de Sirìo, li bektashis de Turquìo e d’Albanio, li c’harejitos de G’hardàia en Algerio.

 

 Notos :

 

Li Druzes : Sou presents mai que mai dien lou Shouf al Liban. Nàutri cristiôs li vezen coumo musulmans per que sou de chapladours ferouns de cristiôs mas lis àutri musulmans li counsiderou en deforo de l’Islam, talomen que dizou « Vau mai èsse cristiô que Druze », e que, à un Druze que vòu tourna al sunnisme ou al shi’isme, li damondou d’en primier de se faire cristiô durant quaucos annados, coumo uno meno de purificaciou ( !) abans de passa à l’Islam ourdinàri.)

 

C’harejitos : aquéssi berbères se counsiderou coumo musulmans, e pas mai. « C’hareji » vòu dire iretge. « El c’harej » en arabe, es segoun lou countèste lou deforo ou la banlego. Atau li c’harejitos sou de gents counsiderats per lis àutri coumo en deforo de l’Islam ou à soun marge.

Pamen, sou be dien la lìnio drèito de l’Islam puèi que counsiderou que cado « moumen » (crezent musulman) pot deveni califo « c’halifat-an-nabi Mouh’ammad » (successour del proufeto Bafoumet).

 


Quasimen tout lou mounde sap que i o de rites musulmans diferents segoun lei regious. Pei sunnitos li tres principaus sou li rites h’anafito, h’anbalito e malekito.

 

Touto l’Africo del nord es de rite malekito.

 

 

Se dis souvent, ammé razou, que li saudians sou « wahh’abito ». Mas aquelo nouciou es religiouso. Se caracteriso per dous pounchs principaus :

1- pas de veneraciou quichado. Li gardiôs saudians de l’oustau de Bafoumet empachou li pelegris d’agacha sa chambro mai de trento segoundos cadu, per « evita l’adouraciou d’un ome qu’es pas un dieu ».

 

En acò se destrìou di shi’ito e di bektashis qu’aun uno vertadièro trinitat : Bafoumet, ‘Ali, Hussein e Bafoumet, ‘Ali, ‘Ali Bektasch.

 

 

2 - rigourisme estrème dei mours. Hou saben ammé la celèbro poulìcio religiouso d’Arabìo Saudito que flisqueto li countro-venents, e flisquetè coumo acò Alain Delon que se fazio baiza de forço per uno admiratriço saudiano.

 

 

Soubre lou plan poulitique, li wahh’abitos sou pas necessàriomen imperialistos e prouselitos.

 

 

                                              

                                                           Ж

 

 

 

                                         La Geougrafìo e l’Istòrio libiano.

 

 

 Quand li Britaniques autrejèrou uno independéncio de façado i Libians, creèrou uno mounarchìo « federativo ».

 

Faguèrou tres prouvìncios autounomos :

 

- la Tripoulitano, ounde i avio lou gouvernoment libian e lou parloment.

(e lou gouvernadour britanique)

 

- La Cirenaïco, ounde i avio lou rèi Mohammed Idriss, rèi nouminau de Libio e rèi vertadier de la sougo Cirenaïco, en tant que baile senoussito.

 

- lou Fezzan, chipelet d’ouàsis ammé sa capitalo Sebh’a, tengudo per li Francés que la sounabou « Fort Leclerc ».

 


Lou vìci di britanique èro que lou poste frountièro de la Tripoulitano èro à Gioda, e que lou poste frountièro de la Cirenaïco èro en Ajdabiya… en leissant Syrto e El Agheila souto l’administraciou dirècto di britaniques, cò’i dire un airau de 400 kms de larje, ounde i o la quàsi-toutalitat di champs petroulifères libians.

 

(N'i o també un pauc à coustat de Toubrouq, à la frountièro de l'Egipto, e à Zaouïa, pròchi la Tunisio.)


 

 

                                                                                        Ж


 

 

                                   Un troç d’Istòrio de la Cirenaïco


 

 

Vaqui ço que nous dis un lhibre de geougrafìo paregut en 1952 :

 

« Benghasi, l’anciano Bereniço, es uno dei cinq vilos de la Pentapòli grèco, ammé Cireno, Apoulònia, Arsinoué ou Tefkhira e Barcé. Es auèi la capitalo de l’estat cirenean e residéncio de l’emir Mouhammed Idriss, rèi de Libio. …

 

Lou palatz de l’emir senoussi es la grondo bastido que sirviguè, ço-dizou, de « pargue di cèrvis » al marescau Graziani (gouvernadour de la Libio à l’epoco fascisto italiano). Rapelen qu’après avèdre coumbatut lis italiôs dien lou temp, l’emir Idriss fouguè coustrench de s’ana refugia en Egipto, d’ounde sourtiguè vers la fi del counflit, à la tèsto d’un pounhat de feaus, per recounquista lou païs de si paires ammé l’ajudo dis anglés.  Renho soubre la Cirenaïco despuèi 1948.

 

 

                                      IdrisI3.jpg

                                Lou rèi Idriss Primier al Mahdi as-Senoussi

 

                                            

 

Es lou baile supreme de la Senoussìa. Aquelo forto counfrario musulmano, nascudo al sègle passat, que vòu tourna à la puretat ouriginalo de l’Islam.  Sa pouténcio s’apiejè lountemp soubre una forto ourganisaciou tout à l’encop coumercialo e militàrio ; de la Cirenaïco, qu’es sa terro d’elèit, o butat de ramificacious fin lou cor de l’Africo negro. Près de nounanto per cent di Cireneans sou d’adeptes de la Senoussìa, e dounc de disciples fizèls à l’emir.

 

De tradiciou, li cireneans sou guerriers, noumado e pastres, e se pot vèire de pastres, l’esquino barrado per un mousquetoun, que faun paisse de fedo ou de chamèls. Proches dis arabes saudians per lours coustumos, li senoussitos aun prou souvent de crìsis redoutablos de fanatisme. L’assassinat del Paire de Foucauld, li mazèls de Fort-Poulinhac sou inquèro presents dien la memòrio di Saharians (= di souldats francés dei coumpanhios saharianos). Fai sounque dous ou tres ons qu’una tribu cireneano mandè à l’emir, dinc un sac, lis aurilhos de toùti li noutables d’uno tribu adverso. »

 


Aquel testimouniatge nous fai coumprendre coumo de gents « qu’aun prou souvent de crìsis redoutablos de fanatisme » e que sou de « guerriers » podou interessa Al Qaïda.

 

D’uèi la sècto senoussìo countùnio de faire de coumèrci, e d’unses di vendèire ambulants africôs dei charrèiros de Toulouso trabalhou pei senoussitos.

Countùnio també de faire la guerro. Li senoussitos sou respounsables de chaples de cristiôs al Nigeria e al Chad.

 

Lou sèti di senoussito es pas Benghazi. Es dien lou Jebel el Ac’hdar « lou Mount Verd », à l’èst de Benghazi.

 

Se dis « la sècto senoussito » per que soun foundatour èro de la tribu di Ben Senoussia à l’èst de Tlemcen.

 

Aquelo ourigino geougrafico esplico siguromen perqué li senoussitos sou toujour estat d’enemics feroces di francés.

 


 

 

                                                Ж


                                                

                      

                         L'Istòrio de la Senoussìa


 


Lou foundatour dounc, de soun noum coumplet Si Mohammed Ben Senoussi el C’hettàli, el Hassani, el Idrissi, el Mejahiri nasquè en 1792. Faguè d’estùdis à Fès al Maroc, e faguè soun vouiatge à la Mècco en 1829. Quand torno en Algério s’establis à Bou-Sa’ada. I prezico lou pan-islamisme e se prouclamo lou Mahdi.

 

 

                                           

 

Quand li francés prendou Algier, fugis en Egipto. Mas lou souldan lou foro-bandis per que sa douctrino sapo soun autouritat. El Idrissi (remarcat lou noum, qu’es lou meme que lou del rèi de Libìo) fugis en Arabìo pas inquèro saudito, à La Mècco.  Devé en quaucos annados lou califo de la counfrario di Kadri e establis sa « zawiya » à Bou-Kabis, pròchi La Mècco en 1843.

 

(Uno zawiya es un ensemble religious, coumo un centre coumunautàri : mouqueio + salos de réuniou)

 

Uno grafìo franceso anciano es « zaouia ». Acò’i lou noum de la vilo libiano Zaouïa, à cinquanto kiloumètre à l’oèst de Tripòli.

 

De sigur, un fanatique musulman, que vèi soun païs oucupat per de roumis francés, detèsto la Franço.

 

Religiousomen, la counfrario vòu un islam integristo. Pouliticomen, es anti-franceso e guerrièro.

 

Talèu 1848 Mouhammed Ben ‘Adb Allah soullèvo lou sud algerian. Establis sa zawiya dien lou Jebel Ac’hdar. Aquelo zawiya es toujour lou cor de la Senoussìa. Es dounc pròchi Bengazi.

 

 

                                     1922303331.JPG        1610065600.jpg

 

En 1855, la Senoussìa, coumo li francés e lis Algerians la sounou, establis uno baso à Ghat, en Libio, dien lou Fezzan, à la frountièro de l’Algério devengudo franceso.

 

 

          Festival desert 2009 - Ghat - Autre Libye

 


 

Lou Jebel Ac’hdar es trop pròchi li turcs de Bengazi al goust de soun dirigent, que vòu demoura sigur de soun independéncio. Adounc creio uno zawiya à Koufra, dien lou sud prigound de la Cirenaïco. (Ounde i o un mounument amm’ una croutz de Loureno que coumemoro l’espet del marescau Leclerc en 1941. Lou mounument fouguè bastit souto la IVno Republico, pas à la periodo gaullisto)

 

A parti d’aquel moument, toutos las tribus del miejour de la Cirenaïco fouguèrou senoussitos.

 

Maufizançous envers li turcs, li senousssitos li soustenguèrou pamen countro lis italiôs en 1910-11, e countunièrou de coumbatre après la partenço di turcs puèi que coumbatèrou fin 1930 per apara lour zawiya de Koufra. Se belcop de coumbatents anèrou se refugia en Egipto e en Arabio, las tribus demourèrou senoussitos, e la partenço di turcs, la ràbio vengudo de l’oucupaciou roumìya italiano, favourisèrou la proupagando senoussito, que ganhè d’à cha pauc touto la poupulaciou de la Cirenaïco tant vau dire. Al moument de l’independéncio de la Libio, nounanto per cent di Cireneans èrou senoussitos.

 

La sècto es à la baso de la revolto countro Qaddàfi.

 

Amm' acò l'aliganço entre li salafisto e li mounarchistos devé naturalo. Sou li mèmes.


 

Se lou Sarkounet èro estat francés de soucho, e pas de soucham oungrés, ou s’èro estat simplomen cultivat, aurio pas soustengut aquélis enemics permanents de la Franço.

Partager cet article

Repost 0
Published by La Coumpanhio mistralenco - dans Istòrio
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »