Overblog Suivre ce blog
Editer l'article Administration Créer mon blog
17 juin 2013 1 17 /06 /juin /2013 22:57

       Li Nouvello de Prouvènço : lou numerot del detz de junh es paregut.

 

 

Aquelo revisto de 61 paginos soubre papier glaçat es meravilhouso. Lou numerot costo cinq euròs, l'abounomen (detz numerots per on) es de 30 euròs.

 

    Li Nouvello de Prouvènço, 42 bd Sixte Isnard 84000 Avignoun

 

 

Anan pas parla de tout lou numerot, es be trop riche. Anan parla d'uno fotò e d'un article.



- la fotò pagino 42 nous mostro, enfi ! Lou grond pouèto Sully-Andriéu Peyro, ço que farò plazi à nouste coumpanh Ive Gourgaud.

 

 

  • lou loung article que coumenço pagino 24 entitoulat Lou restacamen dis Estat Pountificau à l'Empèri francés, que fai plazi à nouste coumpanh Alan Broc puèi que rapèlo ço que voulio dire l'Impèri francés souto la courto mounarchìo coustituciounalo :

 

Lou 14 de setèmbre de 1791, l'Assemblado Naciounalo à Paris decidè de restaca "les deux Etats-réunis d'Avignon et du Comtat Venaissin à l'empire français".

 

 

                     14_monument_comtat_france.jpg



De qué vòu dire acò ? Proumié, fau saupre que quouro, à l'epoco, se parlavo "d'empire français", aquesto definicioun s'aplicavo en toùti li terro de la planèto qu'èron, de cop emé d'estatut desparié de l'uno à l'autro, plaçado souto l'autourita dóu rèi de Franço. D'en segound, se remountan à la debuto de 1789, lou despartamen de Vaucluso emé si raro amenistrativo eisistavo pas.

 

 

Fetivomen, la celèbro chansou "Veillons au salut de l'Empire" es uno chansou republicano de 1791 (e se Napouleoun la prenguè puèi coumo imne ouficiau, n'en censurè las paraulos. Soulo la versiou estrumentalo èro ouficialo souto l'Impèri).

http://www.youtube.com/watch?v=8seLEKOr8aM 

 

 

Pouden pas resuma un article de sièi paginos amm' uno mapo e de fotòs diversos. Diren que Jan-Glaude Roux nous esplico que i avio dous estats pountificaus diferents, Avinhoun, vilo-estat, e lou Coumtat Veneissin ammé Carpentas coumo capitalo.



A la debuto l'Assemblado Naciounalo e Mirabèu vouliou pas anexa las duos entitats per que negouciavou ammé lou papo sa recouneissenço de la coustituciou civilo di clèrgues. Mas li bourgés d'Avinhoun vouliou èsse Francés per poudé vendre lours prouduccious en Franço sèns paga las taussos pesugos que i avio à la frountièiro (un pauc coumo lis omes d'afaires de Hong Kong que v
óuguèrou lou restacomen à la Chino, qu'èro pas preissado). Amm' acò, à l'imitaciou dei coumunos francesos, elegiguèrou un municipe avinhounenc.

 

 

Mant-uno coumunos dis entours d'Avinhoun rejounhou lou mouviment mas lou Coumtat Veneissin din l'ensemble demoro fizèl al papo e à l'independéncio.



Amm' acò coumencè uno guerro civilo enfioucado entre li patrioto e li papistos. Uno Assemblado electouralo dis Estats-Units d'Avinhoun e del Coumtat Veneissin mandè li revouluciounàris prendre d'assalt l'oustau de coumuno d'Avinhoun e dissòudre lou municipe pamen favourable al restacomen. Puèi aquéssi revouluciounàris fourcèrou la mô dis autouritats francesos que se veguèrou oufri li territòris.

 

 

                                    14_jourdan_coupe_tete.jpg

                                          Jourdan talho-tèsto

 

 

Aquelo reüniou à la Franço, ouficialisado dounc lou 14 de setembre de 1791 permetrò is Avinhounencs e Coumtadis de visca toùti li treboulèris de la Revouluciou ammé lou chaple de la Tourre de Trouias coumés en ouctobre per lei bandos del patrioto Jourdan Talho-tèsto, puèi lou chaple de Bedouïn, puèi la liuto sanguinouso entre li patrioto e li federalistos, la Terrour e li 332 guilhoutinats per la coumessioun poupulàri d'Aurenjo en 1794, la Terrour Blanco en 1795 e de treboulèri souvènt murtrié que duraran enjusqu'en 1799. Mai acò's uno autro istòri.

 

 

Almen acò farò naisse lou departoment de la Vaucluso lou 25 de junh de 1793.

 

 

                           280px-Avignon-_Palais_des_Papes_depuis_Tour_Philippe_le_Bel.jpg

Partager cet article

Repost 0
Published by La Coumpanhio mistralenco - dans Istòrio
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »