Overblog Suivre ce blog
Editer l'article Administration Créer mon blog
5 février 2012 7 05 /02 /février /2012 21:29

Nascut en 1914 en Argenteuil d'un paure touranjau e d'uno maire auvernhato, fouguè lou grond editourialisto de La Cabreto pendent mai de quaranto ons.

 

Soun parla èro lou del parçô Rioum-ès-Mountonho, un parla que dis A la finalo di mots feminis singulier, e que dis "fazìa, dizìa" coumo à l'Atge Mejan.

 

A l'epoco de soun elecciou al majouralat en 1954, souto lou capoulierat de Frederic Mistral nebout, fouguè lou mai jouve di majouraus. Èro cigalo del Roussilhoun.

 

 

                                   jean_fay_teradour_flouricat

 

 

Dien sa jouventut passè lou councours de Mèstre d'escolo e se retroubè estagiàri en Ourlhat. Es aqui que rescountrè una jouvento, que sarò sa fenno (morto fai quatre ons), sourtido coumo guel del Cantau mountanhòu que dis "lei coucos" e "lou mougui" quand en Ourlhat dizou "los trufos" e "lou moulet".

 

Juon Fay èro lou darrier qu'emplegavo la grafìo arcaïsanto chausido per Benezet Vidal per soun segoun rouman "Un amor".

 

Èro estat ammé lou majourau Clemens Besoumbos lou pairi del Mèstre d'Obro Alan Broc per sa cigalo d'argent.

 

Editourialisto de trìo, èro també pouèto quauques cops mas sa moudestìo à-n-aquel nivèl lou fazio recita à las taulejados e felibrejados li pouèmos de Fernand Prax, Francés de Murat, Bourjado, Debrons ou Vermenouzo e noun-pas li sèus.

Partager cet article

Repost 0
Published by La Coumpanhio mistralenco - dans Felibrige
commenter cet article

commentaires

La Coumpanhio mistralenco 14/11/2012 14:11


Vous mercejan, Roumié Venturo per vouste temounhatge qu'es counfirmat per la coulecciou dei "Cabreto" vièlhos, que devenguèrou de "Cabreta" exactomen en 1973 se ma memòrio m'engano pas, mas la
"grafìa" gestapoccitano i èro ja dedin talèu 1968 coumo dizet, à coustat de l'auto fin l'on 2005, mas en li prendent de mai en mai de plaço.

Agaro "La Cabreta" parèis quand pot. Anoùncio d'eveniments e lis abounats la recebou dous mes après !

Dounc "La Cabreto" devenguè "La Cabreta" en 1973, e fin 2005, dounc pendent trento dous ons, segoun lou temounhatge de Bonnet, TOÙTI li courriers dis abounats èrou en ourtougràfio mistralenco ou
dien d'ourtougràfios patoasos. Acò'i li respounsables de la revisto que li metiou puèi en "grafia".

Coumo dizio Alan Broc un pauc abons de passa definitivomen à l'ourtougràfio mistralenco "li saberuts podou pas avèdre razou countro lou Poble durant trento dous ons". 

Roumié VENTURO 14/11/2012 09:49


Siéu un pau tardié pèr marca quauco-rèn aqui - lou paure Fay, "tout aro revèn", coume se dis en Prouvènço pèr li gènt que soun mort despièi proun de tèms... 


Lou fau pamens, en tant que majourau, e coume istourian dóu Felibrige aguènt proun treva de grand Felibre coume Reinié Jouvau o Marcèu Bounet, que me fisèron si souveni...


Fay restè "mistralen" jusqu'à la mort de Mistral nebout, en quau faguè de-longo de béu-béu pèr agué sa cigalo... E pièi, coume d'asard, revirè sa pèu e passè à l"óucitanisme lou mai chanu, 
tres que lou "Neboubet"  mouriguè - en 1968, acò invento pas  !... Chanjè lèu-lèu  la grafìo de La Cabreto, en fasènt d'aquelo revisto uno vitrino vertadiero de
l'ideoulougìio óucitano... ço qu'es toujour à l'ouro d'aro...


Bel eisèmple de "mistralisme" e "d'unitat de la lenga d'òc" !...


Vaqui mai uno provo qu'uno "lengo d'o" unenco, pourra èstre que lou "gai sabir" panóucitan !...Dóumage que i'a de gènt que soun sèmpre que mai asseta entre dos cadiero... Segur
que feniran pèr se garça au sòu !...

Alan Broc 06/02/2012 12:04


Lis "occitans" e assimilats sou be fourçats de dire li pouèmos di mistralencs. Guéssi n'aun pas de pouètos.

La Coumpanhio mistralenco 06/02/2012 11:55


 


L'entèrrou dimèrcre à nau ouro e mièjo à la glèisio Sant-Jousé de Tivoli en Ourlhat, puèi lou sebelissou à Menet.

vincent 06/02/2012 11:45


C'était gentil de sa part. Mas mon Grand  era pas gaîre son amic.

La Coumpanhio mistralenco 06/02/2012 12:00



Acò'i vertat que Juon Fay vouguè impausa sa "grafìo" arcaïsanto, quasimen "occitano" à vouste grond-paire Fernand Prax. Nàutri à la Coumpanhio Mistralenco san soubre aquelo questiou mai pròchi
vouste grond-paire que del coustat de Juon Fay.



Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »