per Alan Broc
Saben que li departoments fouguèrou creats per una lèi de l'Assemblado Coustituento en 1790, en deforo de quauques uns que nasquèrou daprès, coumo lou sinistre Tar-e-Garouno, creat souto l'Impèri per faire plazi i bourgés de Mountalbâ que vouliou èsse "la capitalo de ticon"!!!
Agaro véni de descoubri que nouste jinte departoment de la Vau-Cluso fouguè pas creat qu'en 1793 per un decret que dizio que chalio "faire pièce à la fatale influence des sections marseillaises".
La Vau-Cluso ammé soun enclavo din la Droumo, ounde i o Vaurias, patrìo del grond escrivon René Barjavèl.
Vezen dounc que Roubespierro voulio be d'una Revouluciou se la counto-roullavo guel.
Lei seccious marsihesos que prenguèrou d'assalt lou Palatz reiau de Paris lou detz d'agoust de 1792, soustengudos per un pauc min de dous cent voulountàris bretous, fouguèrou chantados per lou capoulié Fèlis Gras din soun rouman "Li rouge dóu Miejour" qu'es lou mai legit (lou best-seller en franglés) di lhibre en lengo d'oc.
Fetivomen, Fèlis Gras publiquè soun rouman en 1896, mas apareguè també en versiou bilengo en Angloterro e en versiou angleso soulo is Estats Units gràcio à un editour cultivat e admiratour.
Lou primier ministre britanique whig Gladstone admirè l'obro, e aguè un tau succès is Estats-Units que tournèrou l'edita en vint ons près de quaranto cops !
Amm' acò, se counsideran lis edicious americanos lou lhibre es de lonh lou lhibre d'oc lou mai legit de toùti li temps.
En Franço pareguè una versiou franceso en 1900, qu'aguè un grond succès també d'eitont que l'editour èro lou de Victor Hugò, mas acò faguè repoutega Mistral que n'en diguè :
" Acò's un carnavau e un fangas poulitician estraourdinàri".
Fèlis Gras