« Li Nouvello de Prouvènço » parlou del Mali
La revisto parlo de la culturo prouvençalo e d'actualitat regiounalo mas soun editouriau ou un article juste daprès dis toujour quauques mots d'actualitat naciounalo ou internaciounalo.
D'aquel cop la revisto parlo del Mali. Vaqui de larges troçs de l'article qu'es prou court mas dis be tout ço qu'es de dire, tant soubre lou caractèri artificiau del païs que soubre la generousitat interessado de la coumunautat internaciounalo.
"...Basto ! Pèr ié comprene quaucarèn fau saupre que lou Mali es un estat artificiau nascu de la descoulounisacioun.
Dos poupulacioun ié vivon ensèn dificilamen. I' a, à l'uba, de Touareg (10% de la poupulacioun) que soun etnicamen de berbère (Imazighen), e qu'antan participèron pendènt de siècle à la tracho dis esclau negre menado pèr lis arabo-musulman. Pièi, au sud, avèn de poupulacioun negro (90 %) qu'apartènon en plusiours etnìo. Lou counflit atuau a pres racino dins lis oupousicioun d'interès e de vejaire entre li Touareg e li Negre.
Aquelo mapo ve de separatistos touàregs que counsiderou
que l'Azawad - lou païs berbère - fai pas partido del Mali.
Tant i o, amm' acò vezet en arange l'aire de las poupulacious negros, e un jaune l'aire de las poupulacious touàregs, que sou de fait negros de pèl guessos també, mas pas negrouïdos de caro.
Pamens acò esplico pas tout. I' a d'islamo-terrouristo que se soun istala au nord, volon counquista tout lou païs, ié impausa la sharia (lèi islamico) e, bèn segur, countourroula toùti li richesso.
Un païs, tè ! Qu'a d'inmènsi ressourso naturalo souto li pèd de sis abitant. Vesèn un pau :
* A souncamen 60 km de Bamakò, capitalo dóu Mali, an descubert un jas gigantèsc de gas coumpausa de 98% d'idrougène pur e de 2% de metane.
* Lou Mali a de ressouro aurifèro impourtanto...
* Dins l'uba dóu Mali enfin, en plen païs touareg, i' a un espàci de 850 000 km2 qu'a un poutenciau gazié et petroulié que fai lingueto i coumpagnié multinaciounalo.
Ié vesès un pau mai clar ? E coumprenès perqué li puissanço oucidentalo soun, au Mali contro lis islamo-terrouristo e, lis armon e li soustènon en Sirìo, darnié païs laï de la regioun."
La revisto parlo d'un fum d'autros causos que relataren soubre lou blog mas sèns faire de citacious trop loungos. Vous sufis de croumpa lou numerò, cinq eurò per cinquanto paginos de papier glaçat e de countengut passiounant.
Poudet també vous abouna per 30 eurò. I o detz numeròs per on.
LI NOUVELLO DE PROUVÈNCO
42 BD Sixte Isnard 84000 Avignon
Per vous faire uno idèio di numerots vièlhs e vèire la coubèrto del numerot que dizan :
http://www.nouvello.com/
/fdata%2F4189852%2Favatar-blog-1203636952-tmpphp67xRFi.jpeg){kind=avatar}