Overblog Suivre ce blog
Editer l'article Administration Créer mon blog
24 juillet 2011 7 24 /07 /juillet /2011 13:37

                                              per Felibre d'Auvernho

 

 

                  ou pulèu deurio dire: lei grondos messourgos

 

 

1- Lou rescaufomen de la planeto.

 

Ammé de temperaturos faussos lou GIEC (ourgane d'irrespounsables que se souno en anglés "groupe intèr-gouvernamentau" e en francés "groupe intèr-expèrts" - atau ! - quand es uno estructuro poulitico bailejado per un ingeniour... en trins.) pretend que la temperaturo o mountat brutalomen en Europo darrièromen.

 

Mas despuèi cinq ons aven d'ivèrs forço loungs e d'estiéus pouirits.

 

Aven la nèu en Prouvenço cado annado soubre la costo quand acò èro excepciounau aperabans.

 

L'on passat agueran la nèu à Palma de Mallorca, ço que s'èro pas passat despuèi 1912 !

 

Al passatge chau crèire que touto l'activitat industrialo umono o pas fat mounta la temperaturo despuèi 1912 !

 

 

Lis ecoulougisto ensajou de nous faire crèire que li glaciers foundou al Grønland e qu'acò'i nouvèl.

 

Mas li glaciers foundou al Grønland despuèi de centenats de miliouns d'annados e irousomen !

 

Acò's aquéssi glaciers que foundou dien lou sud-oèst del Grønland que faun naisse lou Gulf Stream que nous rescaufo !

 

Sèns lou Gulf Stream ourion en Uropo lou climat del Quebèc !

 

Cado estiéu despuèi toujour fai 25 degras l'estiéu dien lou sud-oèst del Grønland.

 

 

Acò empacho pas la rèsto de la  grondo isclo d'èsse coubèrto per l'Inlandsis, uno soulado de glaço de quatre kiloumètre e miech d'espessour !

 

 

                                            

 

                                                       La bandièro del Grønland autounome

 

 

Se i avio un perilh tant bèl qu'hou dizou, noùstis ecoulougistos prendriou pas l'avioun per ana en vacanço ei Bahamas coumo Cécile Dufflot !

 

Leissariou pas voula lis aviouns que pouden nous'n passa e que counsoumou plô mai de carburant que nàutri ammé noustos veituretos.

 

(Ount' es la mar entremié Paris e Toulouso ? e pamen i o quatorge vouiatges cado senmono en avioun !)

 

En 1300 culissiou de majouflo à Strasbourg per la nadau. Acò èro lou climat nourmau, e i avio pas de terro-tremouls, de tournados e tout ço que lis ecoulougistos nous anoùnciou.


 

Ben abans, à l'epoco d'Ötzi, dounc à l'Atge del Brounze, i o un glacier qu'es d'uèi dien lis Aups del Nalt-Adige que i èro pas. Aviou pas de tournados ni de climat particulièromen perilhous en Uropo pamen.

 

 

2- Li scientifiques.

 

Vaqui Yann-Artus Bertrand, un tipe que se lancè dien la foutougrafìo per qu'avio pas recassat lou bac, qu'es boumbardat "scientifique".

 

Avet un animatour de televisto Nicolas Hulot, qu'o pas jamai fat d'estùdis de geougrafìo ni de fisico, qu'es boumbardat "scientifique".

 

e li scientifiques vertadiers, lis ecoulougistos volou pas lis escouta !

 

 

Quand on lour dis que lou Grønland èro verd fin lou sègle 14 coumo soun noum l'endico, lis ecoulougistos pretendou qu'acò's una messourgo e qu'un descoubridour de l'epoco l'ourio dit per faire veni de coulouns.

 

Mas perqué faire veni de coulouns païsôs soubre uno soulado de glaço ? Qu'ouriou pougut li faire ?

 

Quand lou temp se refregiguè, li païsôs nourvegians mouriguèrou de fô. I o sounque lis inuits que soubre-visquèrou ammé lours bourros de bèstio en lioc de fardos teissudos, e que chassabou lou foque en lioc de s'acapriça à cultiva uno terro devengudo trop freido.

 

E puèi quau pot crèire que milo ons abans, de meissonts enemics di bràvis ecoulougistos ouriou inventat de faussos tièiros de parròquios, de curats, d'avèsques, de batejats, que poublabou lou Grønland ?!

 

 

                                The bike comes later

 

 

Li semblo-scientifiques dis ecoulougistos mostrou que sabou pas ris de la climatoulougìo mas pas ris tampauc de l'Istòrio.

 

 

Vaqui un doucumentàri de la BBC, souto-titoulat en francés, que nous demostro que l'Ecoulougìo o pas ris de scientifique mas qu'es una religiou toutalitàrio de gents crezerèls.

 

 

http://www.dailymotion.com/video/x21zq2_partie-1-arnaque-du-rechauffement-c_news

 

 

D'aquel cop, li que parlou sou de scientifiques vertadiers.

 

 

                                  Fichier:ThuleAirBase.jpg

 

 

                                          

3 - Quaucos nouvèlos de l'avenidour climatique.

 

Saben nàutri li geougrafes qu'anan vers uno periodo de glaciaciou. Touto l'Uropo sarò coubèrto de glaço ammé lou nord de l'Africo. La soulo terro abitablo sarò una bendo de quauques quatre cent kiloumètres del nord al sud al mié de l'Africo e al mié de l'Americo del sud.

 

Mas bou, acò sarò dien dous ou tres cents ons. Mas acò ve dapassou.

 

 

A-n-acò s'apound uno baisso recento de l'activitat soulàrio. Acò'i pas un fenoumene anourmau. Lou souguelh dardalho pas tout lou temp del mème biais. Saben pas s'aquelo baisso d'activitat vai dura quauques mes, quaucos annados, quauques sègles ou quauques milenàris, mas fai baissa las temperaturos.

 

 

 

Noto soubre la fourmaciou del Gulf Stream :

 

Sèi pas fisician mas sèi proufessour certificat d'Istòrio - Geougrafìo e m'ensenhèrou en quatreno annado de geougrafìo que li glaciers del sud-oèst del Grønland foundou e escampou dien l'aigo de grossos massos freidos que davalou prigound e faun naisse un courrent freid pouderous (lou Nil e lou Mississipi sou de rivatèls en coumparasou). Acò's aquel courrent freid de prigoundour que fai naisse lou courrent chaud de surfaço que sounan lou Gulf Stream puèi que passo dien lou Gòuf del Messique.

 

 

Mas nàutri francés, ço que nous interesso es que passo tout lou loung de nousto costo atlantico. Sèns guel ourion lou climat del Quebèc ounde la vezinanço de la mar fai toumba las temperaturos.

 

En acò nostre lou Gulf Stream fai pouja las temperaturos. Acò's atau que nàutri lis auvirnhats de Salèr receben lis auros dóuços de mar que nouste Puèch Mari arrèsto e que Salèr es la Niço del Cantau.                                       

 

 

             

 


Partager cet article

Repost 0
Published by La Coumpanhio mistralenco - dans actualitat
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »