Overblog Suivre ce blog
Editer l'article Administration Créer mon blog
25 février 2013 1 25 /02 /février /2013 21:37

                                          per Alan Broc

 

 

Lou lhibre de Max Gallò que ve de sourti « 1914 » o atirat l'atenciou de nouste coulègo Alan Broc qu'es istourian.

 

 

 

                         UN SANT LAÏQUE DEL PAÏS D'OC

 

 

      http://perlbal.hi-pi.com/blog-images/139934/gd/1201702148/statue-de-Jean-Jaures-a-carmaux.jpg

 

 

Entre li ressous de Mai de 68, la couneissenço dis ourrours de la guerro de 14 e bessai l'influéncio dis occitanistos tarnés que n'aun fat un sant laïque, on gauso pas mai countesta Jaurès ou almen interrouga sa chausido principalo : lou pacifisme en 1914.

 

 

Quand dizi "un sant laïque" la fourmulo es pas quichado. Lou vièlh lhibre de l'occitanisto Jòrdi Blanc es una loungo agiougrafìo sèns cap de critico ni d'analìsi, ço que l'empacho pas d'èsse interessant pel mounde que podou legi lou sabir del gestapisto Louis Alibert per qu'almen lou lhibre es ple d'infourmacious.

 

 

Un amic que demourè à Cramaus un temp me countè que soun filh quand èro pichou, en legissent soubre lou socle de l'estatùio de Jaurès lei loungos lausenjos qu'i sou gravados e notamen "apôtre de la paix", li damandè : "Digo, Papa, acò's un sant, Jaurès ?"

 

 

 

                 UN BRAVE OME ES PAS TOUJOUR UN GROND POULITIQUE

 

 

Me podi dire "jauressian" dien la mesuro que me remembri avèdre dit soubre una radiò loucalo en 1991 à quaucun que dizio que "sentissio un vouide ideoulougique après la chaigudo del Mur de Berlin", "Al countràri, agaro que la dictaturo ideoulougico del marxisme o capoussat poudan tourna pensa libromen, per exemple reprendre l'idèio centralo de Jaurès que "lou soucialisme se pot pas faire sèns demoucracìo" e que "lou soucialisme acò's apoundre la demoucracìo soucialo à la demoucracìo poulitico. Lou soucialisme es lou coumplimen perfet de la demoucracìo."

 

 

Maudespièit aquelo counvicciou coumuno ammé guel sèi toujour estat tafurat per lou pacifisme de Jaurès qu'abandounavo li Serbe à l'aziranço dis Oungrés. Se la frairesso soucialo poudio pas exista entre li pobles ?

 

 

Lou lhibre de Max Gallò mostro que Jaurès èro min inoucent qu'on hou crèis. Quand sabè lei coundicious que l'Austrìo-Oungrìo pausavo à la Serbio diguè à sis amics soucialistos : "Volou esclafa coumplètomen la Serbio" e "Volou à touto forço la guerro".

 

 

Lou mèmo sir fazio uno acampado à Vaise din la regiou liouneso e cridè soun public "à uno revolto del prouletariat moundiau countro la guerro".

 

 

Mas coumo hou coumento Max Gallò : "Après aquessos bounos paraulos, beilè pas cap de counsinho d'acciou."



Al countràri lou journau anarco-sendicalisto "Le combat syndicaliste" cridè à de manifestacious pacifistos mas pas nèutros, de manifestacious countro l'imperialisme austro-oungrés.

 

 

Aquessos manifestacious se faguèrou un pauc de pertout en Franço : Paris, Lïoun, Marsilho, Toulouso... "A bas l'imperialisme austro-oungrés, visco la patz !"

 

 

L'esperanço dis anarco-sendicalisto èro de soulleva per lour exemple li soucialistos austrïans.

 

 

En tournant à Paris, Jaurès fouguè bloucat per uno pano del trin à Dijoun. Se precipitè al journau loucau que li permetè de telegrafia un article per "l'Humanité", journau del partit soucialisto. Jaurès i proupausavo "una counferéncio internaciounalo per regla lou counflit entre l'Austrìo-Oungrìo e la Serbio per esquiva la guerro ou almen la limita à un afaire loucau."

 

 

Mas dien lou trin diguè à sis amics que la Serbio poudio pas accipta lei coundicious austrïanos, e coumo avio aprés à Dijoun que la Russìo venio d'afourti "la Russìo perdrio sa plaço din lou mounde se fazio pas soun devér. Apararò li drèits de la Serbio, s'hou chau per la guerro", councluguè : "Vézi pas trop coumo poudan esquiva la guerro, uno guerro generalisado."

 

 

Mas un cop de mai, al countràri dis anarquistos, proupausè pas cap d'acciou councreto.

 

 

D'aquel tenp se lou partit soucialisto italiô fouguè pacifisto – ço que menè la scissiou d'un escabot amm' un certan Benito Mussolini, lou partit souciau-demoucrato alemond fouguè lou primier à se moustra bellicisto. Saban qu'à la mort de Jaurès, lou partit soucialisto francés faguè parier.

 

 

Jaurès èro dounc pacifisto mas pas al pretz de sacrifica li Serbes, ou pas coumplètomen.

 

 

Per coumprendre la situaciou chau sabér ço que lis Austrïans exijavou e cò's un grond tort de Max Gallò de pas hou dire claromen dien soun lhibre.

 

 

Lis Austrïans exijavou que la poulìcio austro-oungreso pouguèsso dintra libromen en Serbio per enquista soubre d'eventualos coumplicitats serbo ammé lis autours de l'atentat de Saraièvo – qu'èrou Serbes de Bousnio e dounc cieutadans austrïans e pas cieutadans serbes -

 

 

Acò, li Serbes l'acciptèrou. Acciptèrou de fourni toùti li doucuments qu'on vourio, s'empenhèrou de paga toùti li desdaumajomens necessàris se jamai i avio de provos de coumplicitat.

 

 

La soulo causo que refusèrou fouguè l'exigéncio dis Austro-Oungrés que vouliou que "cado sujet austro-oungrés pougo dintra dien lou reiaume de Serbio libromen soubre simplo presintaciou de sa cartèlo d'identitat, que lis Austro-Oungrés pougou doubri toutos lei fabrico e soucietat coumercialos que vouliou dien lou reiaume de Serbio, e que pougou barra toutos lis entrepresos serbos que vouriou." (atau!)

 

 

De sigur la darrièro exigéncio èro inacciptablo. En fait lis Oungrés vouliou la guerro en dizent entre guéssi : "Avan uno armado talomen bèlo qu'acò'i doumatge de pas la faire sirvi".


 

En 1999, Madeleine Alwghrit dirò parier e boutarò dien lis exigéncios presintado à la Iougouslàvio de Milošević : "cado cieutadan americô poudrò dintra en Republico Federalo de Iougouslàvio libromen soubre simplo presintaciou de sa cartèlo d'identitat. Li cieutadans americôs poudrau doubri toutos lei fabrico e soucietat coumercialos que voudrau en Republico Federalo de Iougouslàvio, e que poudrau barra toutos lis entrepresos serbos que voudrau." (atau!)

 

 

Is acòrdis de Marcoussis, que li Serbe aviou acciptats e que lis Albanés del Kossovò aviou refusats, Madeleine Allwghrit diguè is Albanés : "Esperat un pauc, vau apoundre de coundicious que poudrau pas accipta. Atau lour faren la guerro e ourés vousto independéncio."

 

 

Parièromen dizio i militàri americôs :

"Acò me fai dòu d'avèdre uno armado tant bèlo e de poudé pas la faire sirvi."

La mèmo fraso que la di bellicistos oungrés en 1914.

 

 

Jaurès fouguè despouderat davant la situaciou mas mai lucide que Jouspi lou Sanguinous 85 ons daprès.

 

 

                  http://www.iisd.ca/climate/sb13/pix/7jospin4.jpg

                                         Jouspi lou Sanguinous

 

 

Qu'aquel criminau qu'o fat boumbarda lei glèisios iougouslavos pendent la santo nueit de Paschos, qu'o fat boumbarda lou merchat de Niš quand èro ples de païsôs vendèire e de vilauds croumpaires, qu'o fat boumbarda l'espitau di fats de Niš, qu'aquel criminau countro l'umanitat fouguèsso arribat al segound tour de la presidencialo de 2 002 es una provo que lou Poble francés es mai sàbie que sis elèits poulitiques.


Partager cet article

Repost 0
Published by La Coumpanhio mistralenco - dans Istòrio
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »