L'editouriau di Nouvello de Prouvènço "lèi naturalo"

Vivèn dins uno soucieta, la nostro, en Franço, que s'aprefoundis d'à cha pau dins uno descasènço que sèmblo sènso fin.

Avèn de proublèmo grèu sus l'esquino : chaumage de masso, desloucalisacioun dis entre-presso, insegureta, perdo de fisanço dins la classo poulitico, enmigracioun de masso que s'assimilo dificilamen etc.

E de qué fai lou gouvèr en plaço ? Soun soucit es d'impausa à la majourita de la poupulacioun la lèi d'uno minourita que viéu en marge de la lèi naturalo, es de dire lou "maridage pèr toùti", adounc pèr aquéli que vivon em' uno persouno dóu meme sèisse qu'éli e que, naturalamen, podon pas agué d'enfant !

Ramentan, eici, que pèr toùti li religioun, que siegon mounouteïsto vo pouliteïsto, lou maridage es un pache passa entre un ome e uno femo pèr founda un fougau, agué de pichot e, ansin, religa li generacioun entre éli.

La famiho naturlo, pèr nautre, es l'apeoun de la soucieta.

Es aqui que s'empuro la soulidarita entre li generacioun e la trasmessioun di valour foundamentalo.

Es acò que celebran, en Prouvènço, dins nòsti Fèsto Calendalo, quouro lou mai vièi e lou mai jouine vo la mai jouino, van querre lou cacho-fiò pèr l'ajassa dins la chaminèio.


                                         Li nouvello de Prouvènço

Per nadau en Prouvenço lou mai vièlh e lou mai jouve vaun querre uno clapo bèlo que boutou dien la chaminado. Nourmalomen dèu èsse prou bèlo per crama durant touto uno senmono.

                      

Nouste coulègo Alan Broc escriguè fai quauques temps soubre face book que la lèi lou leissavo prou indiferent mas que s'embufavo de vèire que Hollande aplico pas la rèsto de soun prougramo, la partido que coumtavo. Li avèn demandat d'hou bouta en auvernhat.

"Téni pas pel maridatge dis oumoussexuaus. Fondamentalomen m'en fouti. Se Houllando avio coumplit si proumessos soubre lou SMIC e lou RSA. S'avio dounat un prèmi de Nadau de cinq cents euròs i miserous coumo l'avio proumés "per que pougou paga lis assiguranço oubligatòrios del lojomen e de la veituro" m'en choutario pas de sa lèi.

Mas dien la mesuro que té pas las proumessos que m'aun fat vouta per guel, m'oupausi de manièro militanto al maridatge oumoussexuau.

Amai aquel president messourguier nous dis que l'estat es trop paure per ajuda li miserous, mas fazan la guerro dien dous païs de mai à causo de guel.

Crezi per ma part qu'uno inmenso majouritat de cieutadans sou oupausats à-n-aquel prougit de lèi. S'on voto la lèi e qu'on la proumulgo countro la voulountat del Poble on pot prevèire un retour de balancier oumoufobe.

Acò'i bessai lou calcul de Houllando per escoundre qu'o tout cedat i bankstèrs."

                                                                 Alan Broc

                   

Comments

[Buy Facebook likes]

I must say, I thought this was a pretty interesting read when it comes to this topic. Liked the material. . .