Overblog Suivre ce blog
Editer l'article Administration Créer mon blog
13 février 2011 7 13 /02 /février /2011 19:31

 

La rèire-deputado oulandeso d’ourigino africano coumento la revolto egipciano e l’oumbro pesugo de las estructuros sicoulougicos eretados de l’Islam.

 

 

   Ayaan Hirsi Ali : Dien l’Islam, on s’acoustumo plô d’ouro à la soumissiou


 

L’esperienço de la mousquèio avio pas ris à vèire amé la pregàrio oubligatòrio que fazio à l’oustau quand ère musulmano. Aqui, me troubave costo à costo amé d’autros fennos, toutos velados ; en-dejous de nautros i avio lous omes recampas din de salo inquèro mai vastos ; toutes, eran virats vers La Mecco e fasion lous gèstes de soumissiou. Alèro soulomen sentissio d’estrambord. A la fi de la pregàrio, entounavian toutos à l’unissou "un amin" ressountissèire ! Moun cuor bategavo. Ère de la foulo des crezents. Sentissio sa pouténcio.

 

 

                              

 

 

Quand agache lous images das massos al Caire, imagine facilomen lou fuort sentiment d’unita que las abito. Belcop de telefintaire oucidentaus s’identificou as miliers de manifestants qu’esijou la fi de la dictaturo. Belcop de coumentatours òu fat de coumparasous amé las revolucious de 1989 en Europo de l’Est.

 

Mas aquelo coumparasou té pas coumte de la diferéncio proufoundo que i o entre uno foulo oucidentalo e uno foulo musulmano. Las moutivacious que bùtou lous pobles d’Africo del Nord e del Proche-Ourient à envazi las charrèiros soun multiplos. Mas ris lous recampo mièl que la pregàrio couleitivo, en particulier la del divèndres. La mousquèio es eitant que la charrèiro uno clau per entèndre aquel soullevomen.

 

Quasimen toutos las religious s’apiéjou subre la moubilisaciou de la masso; mas aqui-dessoubre l’islam o uno eficacita sèns egalo. Cap das despotos del mounde musulman que soun apareguts din la periodo de la descoulounisaciou o pas gausa se freta à la foulo das crezents. Òun fat la chasso as Fraires musulmans, assassinat liours leaders, lous aun escampats en presou en lous acusant de perverti la fe veràio. Mas la mousquèio es demourado sacro-santo. Am' acò es demourado lou soul espàci de recampomen das massos arabos. Vaqui perqué pendent d’annados la forço poulitico la pus eficaço din lou mounde arabe es estado lous islamistos.

 

Aqueles qu’espèrou uno eissido coumo en 1989 – uno transiciou pacifico vers uno demoucracìo laïco e lou multipartisme – vézou pas coumo lous partisans de la demoucracìo màncou d’esperienço. Lous Fraires musulmans, eles, soun din lou païsatge despuèi 1928 e countùniou uno tradiciou de milo quatre cents ons de soumissiou.

 

Lou proublèmo pausat per l’islam poulitique es estat ben identificat din l’oubratge desenant classique d’Elias Canetti, Masso e pouténcio. « Lous crezents, ço-dis, aspìrou à la forço de Diéu ; Sa pouténcio seulo lour sufis pas ; es trop distant, lour laisso trop de liberta. L’estat permanent d’espèro d’un coumandomen, alquau se vòdou cos e amo plô d’ouro din liour esisténcio, lous marco prigoundomen e afecto durablomen liour relaciou as autres. »

 

Lous Moubarak e autres Qaddhafi del Proche-Ourient soun pas de fenoumenos toumbats de la liuno ; soun lou proudut de l’abséncio de liberta inerènto à la culturo de masso islamico. On s’acoustumo plô d’ouro à la soumissiou din aquelo civilisaciou. Estant qu’es interdit de respoundre à soun paire, à soun mèstre, à un imam, se soumetre à la dictaturo d’un estat devé quasimen uno segoundo naturo. Dinc un tau countèste lous mejans d’aciou individuaus – en realita, de simplo subrevido – soun la couspiraciou, la manipulaciou, l’intrigo e la courrupciou. Lous que vòlou avèdre lou poudé crànhou que tout partage siejo uno counfessiou de flaquièiro, uno umiliaciou. Adounc quand uno pausiciou es aqueso, devé permanento, pel mai pichou das buroucratos coumo pel president.

 

Uno culturo que drèisso soui membres à la soumissiou trantaio entre de loungos periodos d’apatìo, e de courtos butados de revolto. Ou lous dirigènts arabes soun en plaço per la vido – e nòmou lurs filhs coumo sucessours - ou finìssou per prendre la poudro d’escampeto.

 

Am’ acò, qué pòdou faire las massos musulmanos per pas sembla las mirgos que se crézou delibrados quand soun inquèro din las àrpios del chat que se jogo d’essos ? Lous manifestaires dévou d’en primié identifia lous factours que favourìsou l’apariciou d'uno  dictaturo. Trop loungtems, l’estrangier serviguè de bouc espïatòri per la charrèiro arabo. Acò’i coumode d’acusa lous siounistos e l’Americo. Admetre sas pròprios insufisèncios es mai dificile.

 

Auèi las massos òu tabé besoun d’afourti precisomen ço que vòlou. La BBC o demandat à un manifestaire egipcian de coumenta lou caratèri espountanèu de la proutestaciou. « Avèn pas besoun de baile-pastre », ço-respoundeguè – al grand espant del journalisto e proubalomen de la maje-part das telefintaires oucidentaus.

 

Se pot coumprèndre be soun aversiou pel leadership estant lou passa des chambiomens de poudé que lou mounde arabe o couneguts. De gents qu’arribàvou en liberatours se mudèrou en dictatours, coumo dinc uno soum de  sounnambule, fin qu’un autre venguèsso moubilisa las massos per delibra la naciou de soun rèire-liberatour. Cado cop, l’ome nouvèl o restablit la vièlho infrastructuro d’espiounatge e de tourturo.

 

S’on pot faire uno revouluciou sèns direciou ? A moun vejaire, nou. En l’abséncio d’uno direciou jamai aquelo revolto poudrò pas chambia l’Istòrio coumo en 1989. A la plaço riscan d’avé lou caòs e l’inestablita, seguits per uno autro èro de dictaturo ; un episòdi democratique seguit d’un cop d’estat ou de l’istituciou de la shari’ya per un gouvernoment douminat per lous Fraires musulmans. Vaqui perqué la masso se dèu muda en mouvimen. Dèu saupre crea d’istitucious emanant de la soucieta civilo. Dèu se destriga de fourmula uno tièiro de revendicacious avans de s’escampilha. Demanda la partènço del ditatour es pas prou. Chau amenda las Coustitucious esistentos, n’escriéure de nouvèlos. Es aqui que l’ajudo de l’Americo e de l’Europo pot èstre preciouso.

 

Mas per se desbarrassa de la culturo de soumissiou, res pot pas remplaça lous Arabes eles-mèmes. I o pas de desti inesourable que lous predispauso à demoura souto la boto de tirans ou de fanatiques. Ganharòu la liberta plino e vertadièro sounque se  capìtou de s’emancipa de l’estruturo particulièro que doumino la masso musulmano e qu’elo-mèmo s’impauso !


 

 

                                                            

 

 


 

                                              Ж

 

Legissès nostres autres articles :

 

« Istòrio del blasou d’Auvernho » :

http://mistralenc.over-blog.com/article-istorio-del-blasou-d-auvernho-66971176.html

 

« Un mot auvirnhat plô vivent » : http://mistralenc.over-blog.com/

 

« Y a bon Banania » :

http://mistralenc.over-blog.com/article-y-a-bon-banania-64409034.html

 

“Un troç de pouemo de Fernand Prax”:

http://mistralenc.over-blog.com/article-un-tro-de-pouemo-de-fernand-prax-66815351.html

 

“Dous troces del rouman Lou virovent” :

http://mistralenc.over-blog.com/article-dous-troces-del-rouman-lou-virovent-66102372.html

 

Pagino “Pouesìo 2” :

http://mistralenc.over-blog.com/pages/Pouesio_2-4458780.html

 

 

 

 

Partager cet article

Repost 0
Published by La Coumpanhio mistralenco - dans actualitat
commenter cet article

commentaires

Bèstio de Giboudan 13/02/2011 21:08



Ei troubat un coumentari que pareis couherent a prepaus de la poulitico americano:


 


http://groups.google.com/group/fr.soc.politique/browse_thread/thread/376345ea08b2e8f4?hl=fr#



Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »