Overblog Suivre ce blog
Editer l'article Administration Créer mon blog
3 février 2012 5 03 /02 /février /2012 18:45

Lou majourau Jousep Vaylet publiquè quauques lhibres en acò de Gerbert en Ourlhat, notamen un lhibre entitoulat :

 

                                De l’Olt de Roumanie à l’Olt du Rouergue 
                                                   Etude historique 

 

Fetivomen la ribèiro "Le Lot" se souno en lengo d'o Olt, sèns article coumo dien li noums dei coumunos rouergatos Saint Laurent d'Olt e Saint Geniez d'Olt. (Sant Lourens d'Olt e Sant Ginié d'Olt en lengo d'o).

 

Aro lou principau afluent roumanés del Danùbi se souno també Olt, e la regiou d'aquelo ribèiro se souno en Roumanio "Oltenia".

 

 

Jousep Vaylet nasquè lou 12 de nouvembre de 1894 al Mas-Nouvèl, una bòrio de la coumuno de Sant-Giniez-d’Olt, e mouriguè dien lis annados 1980.

Aquelo mort tardivo fouguè uno de sas dos aventuros ouriginalos.


Fetivomen, en ome prevezent e espanhier, avio chausit lou moument dei baissos de prez per faire escalpra sa toumbo, e mai precisomen la pèiro-levado de sa toumbo, que nouste majourau èro devengut barde en 1936, durant lou Coungrès bardique dei Gàlios à Sant-Juliô-Chaptuei (43).



Laidounc avio pagat lou peirier per escalpra : 1894-197…. e atau demouravo pas qu’una letro d’escalpra, ço que lou peirier ourio leze de faire just abans la cerimounio. Mès pataflòu, vaqui decembre de 1979 qu’arribo e nouste majourau es en pleno formo.



Chouguè paga lou peirier per aplana lou 7 e bouta 8 à la plaço.



(Finalomen lou majourau mourirò en 1982)

 

 

                              joseph-vaylet.jpg





                                               Ж





                La segoundo aventuro es l’aventuro espanholo.



Al mes de juliet de 1958, se leisso counvencer de participa à un vouiatge d’Avairounés en Esponho. Al moument de se faire bouta lou visa, s’entracho que soun passaport sarò passit dien quauques jours. Lou mando à la prefecturo de Roudés, ammé 3 250 froncs pei timbres fiscaus (de froncs vièlhs, irousomen !), en damandant que lou faguèssou segre al counsulat. Malirousomen, i o lou 14 de juliet, festieu, que fai triga lei causos, e lou 16 al mati, Jousep Vaylet souno lou Vice-Counsul, que li aprend que soun passaport, toujour à Roudés, dèu parti à Seto. Lou vai e vénio farò almen tres jours. A-n-aquel moument l’autoubus sarò ja endacon dien las Pireneios. Decido de parti tout-parier en se dizent qu’al pieje lou deboutarau à la frountièro.



Tout se passo plô per coumença. Passo la frountièro espanholo, e la quito pourtugueso sèns empego. A cado passatge, l’ourganisatour del vouiatge fo visa toùti li passaports, sounque lou sèu. Visito laidounc Madrid, Granado, Sevilho, Lisbouno… Aprècio la beltat dis Andalouso e lou boun vi de Porto.



Mès al retour, al poste-frountièro de Behobia, lou 6 d’agoust, vaqui qu’à un carabinier li prend fantasio de coumta li passatgiers.



Vaylet es pres à la trampèlo, sèns visa e sèns passaport.



Al cap d’uno ouro, l’autoubus torno vers Lourdo e lou Rouergue sèns guel. La poulìcio espanholo lou trasfero à Irun. Lou furgou per averiga soun identitat e s’es un ome ounèste. Nouste majourau o las tressuzours, « les trois sueurs » coumo dizou lei vièlhos Toulzanos per errour. Fetivomen, o ficat al found de sa biasso de boutilhos de Pernod e de Porto que voulio pas declara.

 


De sigur, li pouliciers lei trobou. Coumençou de sourire per qu’aun troubat lou flàscou, coumo dizen, e la fourmulo counvé en aquel moument. Mas talèu lei boutilhos quitou de lis interessa, qu’aun troubat ticom de plô mai interessant : de bulletis de vote del Partit Coumunisto Avairounés !

 


Se si coumpanhs de vouiatge fouguèssou estats presents, ouriou pougut temounha que Jousep Vayle èro pas coumunisto, que l’èro pas jamai estat, mas que gardavo toujour li papierous que troubavo per i nouta cossé li vers prouvençaus que li vendiou à l’esperit.



Ouriou pougut esplica que s’avio de bulletis del PCF, cò'i justomen per qu'avio voutat per l’aute candidat, qu'avio ficat soun bulleti dien l’urno.

 


Mès i o pas digu per esplica cò i pandoro espanhòus. Vaylet es un agent del Coumunisme internaciounau que vòu derrouca la dóuço gouvernanço del Generalissimo Franco.

 


L’interrougatòri menimous viro pas à soun avantatge. Lou pouèto qu’escrieu soubre de papierous coumunistos, la couïncidéncio es trop estraourdinàrio per counvencer. E puèi, lis esplicacious soubre lou passaport, lou visa, lou 14 de juliet, sou be labouriousos. Li pouliciers se damondou se Vaylet es pas un Espanhòu souto uno fausso identitat ammé soun accent tant diferent de lou di Parisencs.

 


Mas lis àutri, crezet que l’aun doublidat ? Ji. Talèu arribats foundou un CDSPPLLDJV (Coumitat de Salut Publique per la Libertat de Jousep Vaylet)



De delegacious se faun à la Coumuno : « Digat al Prefet d’Irun que se dien 24 ouros Jousep Vaylet o pas larjour »… Parlou de tensiou entre la Franço e l’Esponho, de guerro se chau.



Lei revendicacious vaun d’Espalioun à Roudés, de Roudés à Paris, de Paris à… enlioc, moun paure. Un cop que lei causo arribou à Paris, s’i pèrdou.

Lou temp passo. Lou 29 d’agoust, lou telefone esquillo à la Coumuno d’Espalioun.



« Alò ! Moussu lou primier conse d’Espalioun ? Eici lou Prefet de Poulìcio d’Irun… Aven dempuèi un quingenau de jours un denoumat Vaylet que pretend…. O-bi, Jousep. »



A l’albo del 30, un telegramo arribo d’Hendaio. Jousep Vaylet escriéu à sa familho : « Je reviens». (S’avio counegut la legislaciou ourio pougut escrieure lou telegramo « en lengo prouvençalo », coumo dis la lèi)

« A miejour es aqui, lou chapèl glourious, l’uei amusat, la moustacho seduzento, la lavalièro sul papach, prèst à se batre per la lhibertat dei frountièros, del lengatge e del cor » coumo escriguè Le Bulletin d’Espalion.

 

 

                                       vieux-palais

 

Partager cet article

Repost 0
Published by La Coumpanhio mistralenco - dans Felibrige
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »