Overblog Suivre ce blog
Editer l'article Administration Créer mon blog
3 février 2013 7 03 /02 /février /2013 17:09

Acourdomen en lengo nostro en 1482

 

Lou 22 de julhet de 1482, din l’oustau de Guiral de Saletz, merchant d’Ourlhat, Jacme d’Aigosparsos, de Mouyssac, e Johana Picard, vèuso de Johan d’Aigosparsos, merchant d’Ourlhat, qu’èrou en guerguilh à causo de l’eiritatge del dit Johan, s’acourdèrou ammé lou counselh de Rigal de Cinqalbres, merchand d’Ourlhac,e del dit Guiral de Saletz, qu’aviou pres per arbitre.

E ço davont Me Fortet, noutàri, qu’escriguè l’acourdomen (Archiéus del Cantau, 3 E 47, 6, Fueio 74). La debuto e la fi sou en lati. Aqui avet l’acòrdi.

 

 

« E premeyramen an pactisat e acordat las d. partidas que lod. Jacme ceda, dona e transporta a la d. Johana Picarda, relicta del d. Johan, aqui presenta e stipulan, totz los bes mobles e immobles e provenens del d. Johan, ont que sian ny onqua sian assis et pausatz, et so per amor que li portet et per los agreables services que lo d. Jacme conoys que la d. Johana a faitz al temps passat al d. feu Johan, son fraire, et marit de la d. Johana ; exceptat et reservat per lo d. Jacme e de la voluntat de la d. Johana, que lo d. Jacme aura e possedera, per se et per los seus heritiers et successors, la boria pausada a Aygasparsas am tot sos dreytz et apertenensas, et laquala lo d. feu Johan tenia et possedia a d. Aygasparsas et am sos cartz de ces et rendas desquals la d. boria es charghada. E tant que toca la cuelhida del present an de la d. boria, la d. Johana aura per se et son usatge la maytat dels blatz que son a present en la d. boria, sian seguials et civadas que altres blatz, et la maytat dels d. blatz sera et apertenra al d. Jacme ; et totz los altres fructz de la boria seran et apartenran al d. Jacme ; et la renda de la presenta annada se paguara del comun ; et les d. blatz aussi se escodran a megier et a comuns despens ; et los arreyratges aussi se pagaran del comun. Et au regard dels deudes que lo d. feu Johan devia et podia esser tengut a sos creanciers, la d. Johana prend a sa chargha de pagar totz deudes et totas somas de deniers et altres en losquals lo d. Johan devia e podia esser tengut a sos creanciers on que sian. Et aussi a la d. Johana apartenra totz deudes que fosso degutz al d. Johan en totas obliguensas et despensas. Et per ansi tota la bòria demòra et apertenra ald. Jacme et als seus ; et l’altre heritatge dessusd. Aperte et apertenra a la d. Johana et al seus heritiers et successors, am los pactes et conditions dessusd. »

 

« Les testimònis so Me Guiral Joquet, prèste, e Adhemar de Cavaribieyra, clerc, habitants d’Orlhac. »


             294966_3531797975039_1274951524_3483926_1496843158_n.jpg 

                                         un oustau d'Ourlhat d'aquelo epoco


 

Remarcos de lengo :

- La lengo'i la di noutàri, dounc arcaïco à respet de la lengo fetivomen parlado ounde belcop de O èrou passats à OU, mas pas toùti. Dien l'arroundissomen de Sant-Flour se dis inquèro d'uèi "l'ora, abandona, tota, amourosa" en lioc de "l'ouro, abandouna, touto, amourouso". 
- lis occitans sarau de sigur treboulats de vèire qu'un noutàri d'Ourlhat escriéu "la charjo" e "charjado", en ourtougràfio auvirnhato vièlho inquèro presinto dien li noums de lioc : "la chargha", e "charghado".

S'apoudan que dien la quito Chastanhau dizou "lou vachier", vaqui un aute mite gestapoccitan que s'espatarro. 

Partager cet article

Repost 0
Published by La Coumpanhio mistralenco - dans lengo
commenter cet article

commentaires

Presintaciou

  • : Mistralenc, blog en lengo d ' oc
  • Mistralenc, blog en lengo d ' oc
  • : Le blog Mistralenc est la suite du groupe "Info d'oc" mais un blog offre plus de possibilités, notamment d'illustrations.La pratique de Info d'oc a amené à rajouter une rubrique "actualitat" car les abonnés prenaient plaisir à commenter en langue d'oc les sujets chauds.Amm' acò dounc Mistralenc es coumo Info d'oc un endrèit ounde li gents prendou plazi de charra en lengo d'oc.Es animat per li felibres de "La Coumpanhio mistralenco".
  • Contact

Nouste princìpi

UIRIONA EðI SACRA


  La vertat es sagrado


 

Rechercher

Uno citaciou d'un arabe cristiô

« So que retrazi d’uèi al mounde arabe, acò’i l’indigenço de sa counsciéncio mouralo, ço que retrazi à l’Oucident, acò’i sa proupensiou à muda sa counsciéncio mouralo en esplecho de douminaciou. »

 

                                                                                     Amin Ma'alouf

Uno citaciou inteligento

La monarchie, dans notre pays, est franque, elle n'est pas gauloise.

 

                  (Proudhon)

Henri Doniol

Les patois de la Basse-Auvergne, 1878

 

Pagino 20

 

« Si l’accentuation, qui est la prosodie de chaque langue, constitue un signe de race,  la race appartient au patois de la haute Auvergne ; dans ce cas le brivadois est en basse Auvergne le moins éloigné du parler d’autrefois, car il suffit d’ajouter peu de chose à sa prononciation pour le rendre identique au patois cantalien. »